थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १९ अगहन २६४६, सोम्मार ]
[ वि.सं १९ मंसिर २०७९, सोमबार ]
[ 05 Dec 2022, Monday ]

कोरोनासे बच्ना माक्स वितरण

पहुरा समाचारदाता | २२ फाल्गुन २०७६, बिहीबार
कोरोनासे बच्ना माक्स वितरण

पहुरा समाचारदाता
धनगढी, २२ फागुन । विश्वमे कोरोना भाईरसके संत्रास फैललपाछे संचारकर्मीनहे सुरक्षित रहना सन्देश डेना बुधके धनगढीमे माक्स वितरण अभियान सुरु कैगिल बा ।
‘पहिले जीवन ओकरपाछे रिपोटिङ’ कना मुल नाराके साथ कैलालीमे नेपाल प्रेस युनियन कैलाली शाखा संचारकर्मीनहे माक्स वितरण करल हो । पत्रकार हरेक स्थानमे रिपोटिङके शिलसिलामे जाई पर्ना ओरसे पहिले अपने सुरक्षित हुके काममे खटना कना सन्देश डेना यी अभियान थालनी करल नेपाल प्रेस युनियन कैलालीके अध्यक्ष श्रवण देउवा जानकारी डेलै ।
मास्क वितरण करटी सबसे पहिले ढेर पत्रकार जोखिममे रहल ओरसे मास्क वितरण करल प्रेस युनियन कैलालीके अध्यक्ष देउवा बटैलै ।
‘अब्बे कोरोनाभाईरसके देश भर सन्त्रास फैलल बा’ अध्यक्ष देउवा कहलै –‘माक्स लगाके सुरक्षित हुके बैठी कना सन्देश डेहे खोजल हुई ।’
‘हम्रे भारत ओ चीनसंग सीमा जोरल प्रदेश रहल ओरसे यिहीसे सबजे सुरक्षित हुके बैठना सन्देश डेहल सामुदायक रेडियो प्रशारक संघ सुदूरपश्चिम प्रदेशके अध्यक्ष दीर्घराज उपाध्याय बटैलै । उहाँ कहलै–‘पत्रकार जोखिमके रिपोटिङ कैना ओरसे माक्स वितरण देश भर अभियान सुरु करे परल ।
नेपाल जैसिन छोट मुलकमे यी भाईरस प्रवेश हुइलेसे भर अवस्था भयावाह हुइना ओरसे संचारकर्मीहुक्रे जनताहे सुरक्षित हुइना सक्कु ओर सन्देश फैलैना जरुरत रहल नेपाल पत्रकार महासघके पुर्व केन्द्रीय सदस्य दीलबहादुर छत्याल बटैलै ।
नेपाल पत्रकार महासंघके पुर्व उपाध्यक्ष उमिद बागचन्द देश दुनिया अब्बे कोरोना भाईरसके कारण आतंकित हुइल ओरसे संचारकर्मीहुक्रे नागरिकहे कैसिक सुरक्षित हुइना कना खालके समाचार प्रस्तुत कैना आग्रह करलै ।
समाचार संकलनके क्रममे भिडभाडमे जाई पर्ना ओरसे सुरक्षाके लाग मास्क लगाई पर्ना पत्रकार महासंघके केन्द्रिय सदस्य मीन बम बटैलै ।

जनाअवजको टिप्पणीहरू