थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २१ अगहन २६४६, बुध ]
[ वि.सं २१ मंसिर २०७९, बुधबार ]
[ 07 Dec 2022, Wednesday ]

राजधानी कप २०७६ के तयारी पुरा

पहुरा समाचारदाता | २२ फाल्गुन २०७६, बिहीबार
राजधानी कप २०७६ के तयारी पुरा

उद्घाटन खेलमे आज फारवेष्ट पशुपति ओ मनकामना भिरटी

पहुरा समाचारदाता
धनगढी, २२ फागुन । कैलालीके अत्तरियामे आजसे हुइना दुसरा संस्करणके सुदूरपश्चिम राजधानी कप फुटवल प्रतियोगिताके तयारी पुरा हुइल बा ।
पिएफए स्पोर्टस क्लव अत्तरियाके आयोजनामे फागुन २२ से २८ गतेसम हुइना राजधानी कप फुटवल प्रतियोगिताके तयारी पुरा हुइल हो । मालिका खेल मैदान तेघरीमे सञ्चालन हुइना प्रतियोगिताके सक्कु तयारी सेकल प्रतियोगिताके संयोजक सन्तोष भट्ट जानकारी डेलै । प्रतियोगितामे टमान ११ टिमके सहभागिता रहल बा ।
प्रतियोगिताके उद्घाटन खेलमे फारवेष्ट पशुपति युवा क्लव ओ मनकामना युवा क्लब भिरना हुइल बा । प्रतियोगितामे उद्घाटन ओ समापन वाहेका दिन दैनिक दुई खेल सञ्चालन हुई । प्रतियोगितामे आयोजक पिएफए अत्तरियासंगे मनकामना युवा क्लब, फारवेष्ट पशुपति युवा क्लब, नवदुर्गा युवा क्लब, वनदेवी युवा क्लब, नेपालगंज स्पोर्टस ११, माउण्ट एभरेष्ट युवा क्लब, मसुरीया फुटबल एकेडेमी, स्टार सिटी क्लब, उक्सेन युवा क्लब दाङ ओ घोडाघोडी युवा क्लवसे सहभागिता जनाइल आयोजकसे जारी खेल तालिकामे उल्लेख करल बा ।
प्रतियोगिताके विजेता चार लाख तथा उपविजेता दुई लाख नगद सहित ट्रफी, मेडल तथा प्रमाणपत्र पुरस्कार पैना प्रतियोगिता आयोजक पिएफए अत्तरियाके अध्यक्ष योगेश भट्ट बटैलै । प्रतियोगिताके उत्कृष्ट खेलाडी २५ हजार नगद सहित पुरस्कार प्रदान कैजाई । उत्कृष्ट गोलकिपर, डिफेन्डर, स्ट्राईकर, सर्वाधिक गोलकर्ता ओ उदयमान खेलाडीहे १५/१५ हजार नगद पुरस्कार प्रदान कैजाई । प्रत्येक खेलके म्यान अफ दी म्याचहे तीन हजार पुरस्कार प्रदान कैजाई ।
प्रतियोगिता आयोजनाके लाग सामाजिक विकास मन्त्रालय, गोदावरी नगरपालिका, राष्ट्रिय खेलकुद परिषद्, रिलायन्स लाईफ ईन्सोरेन्स, जनरल ईन्सोरेन्स कम्पनी, भागेश्वर ग्रुप, कैलाली जिल्ला खेलकुद विकास समिति, कैलाली जिल्ला फुटवल संघ, अखिल नेपाल फुटवल संघ, पदमा अस्पताल, ग्रिन गोदावरी रिसोर्ट, होटल नमस्ते, वेष्टर्न प्लाजा सहयोग करले बाटै ।

जनाअवजको टिप्पणीहरू