बलात्कार अरोपमे दुई पक्राउ

पहुरा समाचारदाता
धनगढी, २२ फागुन । नावालिका सहित दुई महिलाहे बलात्कार करल आरोपमे कैलालीमे दुई जने पक्राउ परल बाटै । पक्राउ परुइयामे बर्दगोरिया गाउँपालिका वडा नम्बर २ सडकपुरके २९ वर्षीय दिल बहादुर चौधरी ओ चुरे गाउँपालिका वडा नम्बर ६ मदनपुरके २४ वर्षीय नरेश नाथ योगी रहल प्रहरी जनैले बा ।
जिल्ला प्रहरी कार्यालय कैलालीके अनुसार गोदावरी नगरपालिका वडा नम्बर २ उत्तरबनखेत डेरा कैके बैठुइया सुप माविके कम्प्युटर शिक्षक नरेश नाथ योगी १६ वर्षीया नावालिका अपने छात्रा उपर बलात्कार करल आरोपमे पक्राउ परल हुइट ।
विद्यालय जैटी रहल अवस्थामे फागुन ५ गते सकारे ७ बजे आपन डेरामे लैजाके बलात्कार करल शिक्षक योगी पुनः फागुन १९ गते बलात्कारके दुस्प्रयास करलपाछे पीडित नाबालिकाके परिवारजन पता पाइलपाछे उक्त घट्ना प्रहरी समक्ष पुगल हो ।
पीडित नाबालिकाके ओरसे उजुरी दर्ता हुइलपाछे प्रहरी योगीहे बुधके अत्तरिया बजारसे पक्राउ करल रहे ।
ओस्टके सुस्त मनस्थितिके युवतीउपर बलात्कार करल आरोपमे बर्दगोरियाके सडकपुरके २९ वर्षीय दिल बहादुर चौधरी कैलालीके जोशीपुर गाउँपालिका वडा नम्बर १ जोशीपुर बजारसे बुधके पक्राउ परल प्रहरी जनैले बा ।
चौधरी जानकी गाउँपालिका वडा नम्बर ४ मुनुवासे २० गते रात साढे ११ बजे रात बा १० च १८३९ नम्बरके स्कारपियोमे लैजाके २१ वर्षीय सुस्त मनिस्थितिके युवतीहे जोशीपुर गाउँपालिकाके वडा नम्बर ४ झवहीमे गाडीभित्रे बलात्कार करल रहिट ।
त्रपीडित युवतीके परिवारके जाहेरीपाछे चौधरीहे पक्राउ करल जिल्ला प्रहरी कार्यालय कैलालीके प्रवक्ता प्रहरी नायव उपरीक्षक दक्षकुमार बस्नेत बटैलै ।
डाइबाबासंग भोजमे गैल उ युवतीहे रिसाके अक्केली रहल बेला चौधरी गाडीमे लानके जोशीपुरमे बलात्कार करल प्रहरी जनैले बा । दुुनुु जनहनहे हिरासतमे राखके आवश्यक अनुसन्धान हुइटी रहल प्रहरी जनैले बा ।