बालबालिका नीति निर्देशिक सम्बन्धी स्थानीय सरोकारवालासंगे छलफल
पहुरा समाचारदाता
धनगढी, २१ सावन । कैलारी गाउँपालिकामे बालबालिका नीति निर्देशिक सम्बन्धी स्थानीय सरोकारवालासंग छलफल कार्यक्रम सम्पन्न हुइल बा ।
बाल कल्याण संघके आयोजनामे कैलारी गाउँपालिकाके समन्वय ओ वल्ड भिजन इन्टरनेशनल नेपालके सहयोगमे कैलारी गाउँपालिकामे बालबालिका नीति निर्देशिक सम्बन्धी स्थानीय सरोकारवालासंग छलफल कार्यक्रम सम्पन्न हुइल हो ।
गाउँपालिका उपाध्यक्ष भगवती कुमारी चौधरीके अध्यक्षतामे हुइल कार्यक्रममे उहाँ नीति ऐन बनाके कार्यान्वयन करेसेक्लेसे उपलब्धी डेखैना बटैली । गाउँपालिकामे टमान नीति ऐन बनल उहाँ बटैली । गाउँपालिकाके प्रमुख प्रशासकीय अधिकृत दलबहादुर धामी मुख्य समस्याके रुपमे बालविवाह, लागु औषध दुव्र्यशन, विचमे विद्यालय छोरना रहल बटैलै ।
असहाय टुहुराके लाग गाउँपालिकासे सहयोग करटी रहल बटैलै । बालविवाह, लागु औषध दुव्र्यशन न्यूनिकरण कैना बाल क्लव संजाल मार्फत भल्मन्साहुकनसे समन्वय करके जाईपर्ना बटैलै । अक्के उद्देश्यके लाग संघसंस्था ओ स्थानीय तहसे संचालन कैना कार्यक्रम मिल्के गिलेसे उपलब्धी हासिल हुइना उहाँ बटैलै ।
कार्यक्रममे गाउँपालिकाके शिक्षा शाखा प्रमुख गणेश प्रसाद मिश्र, सामाजिका विकास शाखा प्रमुख यगम कलेल, स्वास्थ्य शाखा प्रमुख नरेशकुमार चौधरीलगायत आपन बाट राखल रहिट । कार्यक्रममे बाल कल्याण संघके बाल संिरक्षण अधिकृत इन्द्र जोशी गाउँपालिकामे बनल नीतिबारे जानकारी डेहल रहिट ।
कैलारीमे स्थानीय सरकारसंग सहकार्य करके संयूक्त पहलमे बालबालिका सम्बन्धी नीति, निर्देशिकामे स्थानीय वाल संरक्षण नीति, वालवालिका अन्त्यके लाग रणनीति, बालअधिकार समिति संचालन कार्यविधि, बालकोष संचालन कार्यविधि, स्थानीय पोषण रणनीति, स्वास्थ्य नीति, शिक्षा नीति आदि बनल बा ।
कार्यक्रमके संचालन बाल कल्याण संघके सहजकर्ता प्रेम चौधरी करल रहिट । कार्यक्रममे गाउँपालिकाके टमान विषयगत शाखाके प्रमुखहुकनके सहभागिता रहे ।
