थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १३ अगहन २६४६, मंगर ]
[ वि.सं १३ मंसिर २०७९, मंगलवार ]
[ 29 Nov 2022, Tuesday ]

सुदूरपश्चिमके सक्कु जिल्लामे स्वास्थ्य बिमा लागु

पहुरा समाचारदाता | २२ फाल्गुन २०७६, बिहीबार
सुदूरपश्चिमके सक्कु जिल्लामे स्वास्थ्य बिमा लागु

पहुरा समाचारदाता
धनगढी, २२ फागुन । सुदूरपश्चिम प्रदेशके नौ जिल्लामे स्वास्थ्य विमा कार्यक्रम लागु करल बा । प्रदेशके सात जिल्लामे यी आघे सुरु हुइल स्वास्थ्य विमा कार्यक्रम बाँकी रहल डोटी ओ डडेल्धुरा जिल्लामेफे विस्तार करल बा ।
स्वास्थ्य विमा बोर्डसे बुधके डोटी ओ विफे डडेल्धुरामे कार्यक्रमके शुभारम्भ करल हो । यी संगे प्रदेशभर विमा कार्यक्रम लागु हुइल विमा बोर्ड जानकारी डेहल बा । डडेल्धुरामे नेपाल सरकारके स्वास्थ्य तथा जनसंख्या राज्यमन्त्री नवराज रावत अमरगढी नगरप्रमुख विशेश्वर प्रसाद ओझाहे स्वास्थ्य विमा सदस्यता डेके स्वास्थ्य विमाके शुभारम्भ करल बाटै ।
कार्यक्रमहे सम्वोधन करटी स्वास्थ्य राज्य मन्त्री रावत सक्कु नेपालीहुक्रे आधारभुत स्वास्थ्यसे बञ्चित नइहुइना कना उदेश्यसे यी कार्यक्रम नानल बटैलै । यी कार्यक्रमहे सफल पारेक लाग सक्कु पक्ष सहयोग करे पर्ना बाटमे समेत मन्त्री रावत जोड डेलै । उहाँ मन्त्रालय अब्बे अपनही अस्वस्थ्य रहल ओरसे आब हम्रे व्यवस्थापनमे लागल बटैलै ।
स्वास्थ्य उपचारमे अनियन्त्रित रुपमे हुइटी रहल व्यक्तिगत तथा पारिवारिक खर्च घटैटी नागरिकहे गुणस्तरीय स्वास्थ्य सेवाके पहुँचमे पुगैना ओ सेवाके उपयोगमे वृद्धि कैना उद्देश्य स्वास्थ्य बीमा कार्यक्रम सञ्चालनमे नाने लागल हो ।
दुई नगरपालिका ओ पाँच गाउँपालिका करके सात ठो स्थानीय तह रहल जिल्लामे स्वास्थ्य बीमा कार्यक्रमके लाग ५२ वडामे विमा अभिकर्ता खटाइल बा । एक परिवार अधिकतम १ लाख रुप्यासम उपचार सुविधा लेहे सेक्ना स्वास्थ्य बीमा बोर्ड सुदूरपश्चिम प्रदेशके प्रदेश संयोजक जनक साउँद जानकारी डेलै ।
बिमित परिवारके सदस्य सदस्यता क्रियाशील हुइलपाछे उपचारके लाग अपन परिचयपत्र लेके आकस्मिक उपचार बाहेक तोकल प्रथम सेवाविन्दू स्वास्थ्य संस्थामे जाई पर्ना प्रावधानफे बीमा कार्यक्रमसे अनिवार्य करले बा ।
सुदूरपश्चिम प्रदेशके सात जिल्लामे स्वास्थ्य वीमितके संख्या हालसम दुई लाख ६० हजारसे ढेर पुगल उहाँक कहाई बा । विसं २०७२ चैत २५ गतेसे कैलालीमे पहिल चो स्वास्थ्य बीमा कार्यक्रम सुरुवात हुइल रहे ।
स्वास्थ्य बीमा कार्यक्रमके लाग डडेल्धुरा जिल्लामे रहल ५२ वडासे एक दर्ता सहयोगी छनोट करके ओइने लेहल संयोजक साउद बटैलै ।
प्रदेश संयोजक साउँदके अनुसार डडेल्धुरा ओ डोटीमे उ कार्यक्रम लागू हुइलपाछे सुदूरपश्चिम प्रदेश सक्कु जिल्लामे स्वास्थ्य बीमा कार्यक्रम लागू हुइना देशके पहिल प्रदेश हुइल बा ।
देशके ५० जिल्लामे कार्यान्वयनमे आसेकल स्वास्थ्य उ कार्यक्रम चालू आर्थिक वर्ष २०७६/७७ भित्रमे ७७ जिल्लामे कार्यान्वयन कैना सरकारके लक्ष्य रहल बा । ओस्टेक करके सन् २०२० सममे बीमितके संख्या ५० प्रतिशत ओ सन् २०३० सममे १०० प्रतिशत पुगैना लक्ष्य बत्रा ।
स्वास्थ्य बीमा नियमावली, २०७५ अनुसार बहुट गरीबके परिचयपत्र प्राप्त परिवार, अतिअशक्त अपांगता (रातो कार्ड), कुष्ठरोगी, एचआइभी संक्रमित, जटिल खालके क्षयरोगी (एमडिआरटिबी) बिरामी हुइल परिवारके योगदान रकमके शतप्रतिशत छुट ओ महिला स्वास्थ्य स्वयंसेविका संलग्न हुइल परिवारके योगदान रकमके ५० प्रतिशत छुट डेना व्यवस्था स्वास्थ्य बीमा कार्यक्रममे रहल बा ।
ओस्टेक कडा प्रकारके रोग (अर्बुदरोग, मुटुरोग, हेड इन्जुरी, स्पाइनल इन्जुरी, सिकलसेल एनिमिया ओ अल्जाइमर) मे नइदोहरिना करके थप एक लाख रुपैयाँके सेवासुविधा डेना व्यवस्था बा ।

जनाअवजको टिप्पणीहरू