थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २१ अगहन २६४६, बुध ]
[ वि.सं २१ मंसिर २०७९, बुधबार ]
[ 07 Dec 2022, Wednesday ]

धनगढी डाइग्नोस्टिक्स टिसर बरसमे

पहुरा समाचारदाता | २६ फाल्गुन २०७६, सोमबार
धनगढी डाइग्नोस्टिक्स टिसर बरसमे

पहुरा समाचारदाता
धनगढी, २६ फागुन । धनगढी डाइग्नोस्टिक एण्ड रिसर्च सेन्टर प्रालि टिसरा बरसमे प्रवेश करले बा ।
प्रालिसे अँटवारके रोज धनगढीमे पत्रकार सम्मेलनके आयोजना करके बार्षिकोत्सवमे अवसरमे ग्राहकवर्गहुकनहे विशेष सहुलियतमे सेवा प्रदान करटी रहल जनैले बा । प्रालिके अध्यक्ष मिन बहादुर धामी बार्षिकोत्सवके अवसरमे होलवडी चेकजाँच प्याकेज रु ५ हजार, मिनि होलवडी प्याकेज रु २ हजार ओ थाइराइठ जाँच ५ सय व्यवस्था करल बटैलै । धनगढी डाइग्नोस्टिक व्यवसायिक केल नाही समाजिक उत्तरदायित्व बहन कैना उद्देश्यसे यिहे आघे निशुल्क रुपमे मृगौला, मुटु, क्यान्सर, थाईराइड, सिकलसेल, मधुमेहलगायत टमान चिजके चेकजाँच करटी आइल अध्यक्ष धामी बटैलै ।
वार्षिकोत्सवके अवसरमे मानव सेवा आश्रम धनगढीमे रहल आनथ, असाय, घरवारविहिन २९ जाने बुद्धाहुकनके निशुल्क चेकजाँच करटी प्रालिके प्रबन्ध निर्देशक महेन्द्रसिंह साउद कहलै । ओइनके निशुल्क सुगर परिक्षण, मृगौला परिक्षण, एचआएभी परिक्षण, हेपाटाइटिस वि परिक्षण तथा फलफूल वितरण प्र्रबनध निर्देशक साउद कहलै । ओस्टेक करके आज सहयोग स्वरुप चेक हस्तान्तरण कैना उहाँ कहलै । प्रालिसे बार्षिक करिब २५ हजार जानेक सशुल्क तथा निशुल्क करके स्वास्थ्य प्रयोगशाला परिक्षण करलमे थाइराइड, सुगर, मुटुके समस्या, भिटामिन बी, डी,क्याल्सीयम, एनिमिया, बाथरोथके समस्या ढेर पाइल प्रबन्धक साउद बटैलै । उहाँ पुरुष मनै जीवन शैली परिवर्तन कैना डेखलफे कहलै ।
प्रालिके प्रयोगशाला प्रमुख निरज भट्ट आर्थिक बर्ष २०७५/०७६ सालमे ७ हजार जानेक सिकलसेल परिक्षण करल जनैलै । थारु समुदायमे विशेष डेखा परल ओरसे कैलालीके जोशीपुर, कैलारी, गोदावरी ओ धनगढीके टमान ठाउँमे स्क्रीनिङ सिकलिङ ओ एच वि सोलिब्लीटी टेस्ट करेबेर सिकलिङसेफे एचवि सोलिब्लीटी ढेर प्रभावकारी रहल बटैलै । उ स्क्रीनिङसे असामान्य नतिजा आइलहे एचवि एल सि से कन्फमेशन करेबेर ८८ प्रतिशत सिकलसेल पोजेटिभ, सिकलसेल ट्रेड, विटा थाल्सेमीयारहल पाइल उहाँ जनैलै ।

जनाअवजको टिप्पणीहरू