नेपाली काँग्रेस गौरीगंगासे १०० कट्टा चाउर हस्तान्तरण

मसुरिया, १८ बैशाख । नेपाली काँग्रेस गौरीगंगा नगर समिति नगरपालिकाहे १ सय कट्टा चाउर प्रदान कर्ले बा ।
नगर संयोजक काशीराम शर्मा ओ उप–संयोजक हिरा सिं बडैला नगर प्रमुख भीम देउवा ओ प्रमुख प्रशासकीय अधिकृत भक्तराज जोशीहे १ सय कट्टा चाउर हस्तान्तरण करल हुइट ।
उ चाउर विपन्न ओ समस्यामे परल वर्गहे सहयोग प्रदान हुइना विश्वास सहित अइना दिनमे अइना समस्याके समाधान कैना नगरपालिकाहे साथ रहना नगर संयोजक काशीराम शर्मा बटैलै । नगरके गरिब, निमुखा ओ मजदुरवर्गहुकनके जीवनयापन कार्यमे प्रत्यक्ष असर पारल ओरसे उ समुदायहे कुछ सेक्ना सहयोग पुगैना उदेश्यसे नेपाली कांग्रेस गौरीगंगा नगरकार्य समितिसे चामल सहयोग करल हो ।
लकडाउनके बेला दैनिक उपभोग्य सामान नैहोके चुल्हा बारे छोरल दैनिक ज्यालादारी करके परिवार पलुइयाके लाग कहटी चाउर हस्तान्तरण करल हो । गौरीगंगा नगरपालिका भिटर रहल कांग्रेसप्रति आस्थावान समाजसेवी, वुद्धिजीवी, नागरिक समाज, व्यापारी, शिक्षक, कर्मचारी, नेता तथा कार्यकर्तासे संकलित रकमसे एक सय बोरा चाउर खरिद करल कांग्रेस क्षेत्र नम्बर ४ के क्षेत्रीय सभापति दिनेशराज जोशी बटैलै ।
‘हम्रे ज्याला मजदुरी करके खैना परिवारके अवस्था नाजुक देखलपाछे कांग्रेसप्रति आस्थावान व्यक्तिहुक्रे रकम संकलन करके चाउर खरिद करके राहत हस्तान्तरण कैना निर्णय करली,’ कांग्रेस क्षेत्र नम्बर ४ के क्षेत्रीय सभापति जोशी, कहलै –‘यी राहत स्वरुप डेहल चाउर हम्रे नगरपालिकामार्फत् विपन्न वर्ग थेन पुगाडेना आग्रह करले बाटी ।’
विपद्के घडीमे कांग्रेस जबफे जनताके साथमे रहना हुइल ओरसे हम्रे कोरोनाके संत्रासके बेला दैनिक ज्याला मजदुरी करके खैना वर्गहे समस्या नहाए कहिक राहत संकलन करके नगरपालिकाहे हस्तान्तरण करल कैलाली क्षेत्र नम्बर ४ के कांग्रेस पूर्व क्षेत्रीय सचिव तथा युवा नेता मोहन साउँद कहलै । अभिनसम कौनोफे राजनीतिक दल नगरपालिकामे राहत नइबाँटल बटैटी उहाँ कहलै,‘राजनीतिक दलमे कांग्रेस पहिले नगरपालिकाहे राहत हस्तान्तरण करल हो ।’
सरकारके एकद्वार प्रणालीमार्फत् राहत वितरण कैना नीति अनुसार अपनेहुक्रे नगरपालिकाहे राहत हस्तान्तरण करल नेता साउँद बटैलै ।