चौधरी बुक डिपोसे स्वास्थ्य सामग्री सहयोग

धनगढी, १८ बैशाख । चौधरी बुक डिपो धनगढीक संचालक संजय कुमार चौधरी सुरक्षाकर्मीके लाग स्वास्थ्य सामाग्री सहयोग करले बाटै ।
कर्पोरेट सामाजिक उत्तरदायित्व (CRS) अन्तर्गत एसएनएस ग्रुप (SNS Group) के संस्थापक समेत रहल उहाँ कोरोना भाइरस (कोभिड(१९) के महामारीमे अहोरात्र अग्रपंक्तिमे खटल सुरक्षाकर्मीहुक्रनके सुरक्षार्थ उक्त सामाग्री सहयोग करल हुइट ।
उहाँ सुरक्षाकर्मीहुक्रनके उच्च मनोबल तथा सुरक्षार्थके लाग सशस्त्र प्रहरी ओ नेपाल प्रहरीके लाग २ हजार थान ग्लोब्स ओ १ हजार थान सर्जिकल मास्क सहयोग करल चौधरी बुक डिपोके म्यानेजर बिजेन्द्र चौधरी जानकारी डेलै ।
उक्त सामग्री एसएनएस ग्रुपके प्रमुख कार्यकारी अधिकृत प्रेमराज पाठक प्रमुख जिल्ला अधिकारी यज्ञराज बोहराहे बिफेक रोज हस्तान्तरण करल हुइट ।