सुदूरपश्चिमके मुख्यमन्त्री भट्ट पैलै विश्वासके मत

पहुरा समाचारदाता
धनगढी, ३ सावन । सुदूरपश्चिम प्रदेशके मुख्यमन्त्री खगराज भट्ट विश्वासके मत प्राप्त करले बटै । बुधके बैठल प्रदेश सभा बैठकमे भट्टसे विश्वासके मत प्राप्त करल हुइट ।
बैठकमे सहभागी ४६ जाने प्रदेश सभा सदस्य भट्टके पक्षमे ३१ ओ विपक्षमे १५ मत खसल हो ।
सभामुख भीमबहादुर भण्डारीसे भट्टके धारल विश्वासके मतसम्बन्धी प्रस्तावके पक्षमे बहुमत सांसदसे मतदान करल बटैटी भट्टसे विश्वासके मत पाइल घोषणा करल हुइट ।
नेकपाके २० ओ उपसभामुखसहित एमालेके ११ प्रदेश सभा सदस्य भट्टहे विश्वासके मत डेहल हुइट ।
एमालेके समर्थनमे उहाँ गैल शुकके मुख्यमन्त्रीमे नियुक्त हुइल रहिट ।