थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २९ सावन २६४६, अत्वार ]
[ वि.सं २९ श्रावण २०७९, आईतवार ]
[ 14 Aug 2022, Sunday ]

भारतमे कोरोनासे मृत्यु हुउइनके संख्या २१ सय नाघल

पहुरा समाचारदाता | २८ बैशाख २०७७, आईतवार
भारतमे कोरोनासे मृत्यु हुउइनके संख्या २१ सय नाघल

काठमाण्डौं, २८ वैशाख । कोरोना भाइरस (कोभिड(१९) से भारतमे मृत्यु हुउइयाके संख्या दुई हजार १०९ पुगल बा । भारतके स्वास्थ्य मन्त्रालयसे डेहल जानकारी अनुसार भारतमे संक्रमित हुउइयाके संख्या फेन ६२ हजार ९३९ पुगल बा ।
भारतके सबसे प्रभावित राज्य महाराष्ट्रमे अब्बेसम सबसे ढिउर २० हजार २२८ जने संक्रमित पुगल बाटै कलेसे यी राज्यमे अब्बेसम ७७९ जनहनके कोरोना भाइरसके कारण मृत्यु होसेकल बा ।
गुजरातमे अब्बेसम सात हजार सात सय ९६ जने संक्रमित फेला परल बाटै । गुजरातमेृ यी भाइरससे मृत्यु हुउइयाके संख्या ४७२ पुगल बा । मध्यप्रदेशमे अब्बेसम तीन हजार ६१४ जने संक्रमित हुइबर दुई सय १५ जनहनके मृत्यु होसेकल बा ।
ओस्टके पश्चिम बंगालमे अब्बेसम एक हजार ७८६ जने संक्रमित होसेकल बाटै कलेसे एक सय ७१ जने मनैनके मृत्यु होसेकल बा । उत्तर प्रदेशमे अब्बेसम तीन हजार ३७३ जने संक्रमित भेटेबर ७४ जनहनके मृत्यु हुइल बा । बिहारमे अब्बेसम पाँच सय ९१ जनहनमे कोरोना भाइरसके संक्रमण डेखल बा कलेसे पाँचजनहनके मृत्यु हुइल बा ।
अब्बेसम भारतमे १९ हजार ३५८ संक्रमित ठीक होके घर जासेकल बाटै ।

जनाअवजको टिप्पणीहरू