रास्वपा कैलारी गाउँपालिका सभापतिमे रेवन्त

पहुरा समाचारदाता
हसुलिया, १६ जेठ । राष्ट्रिय स्वतन्त्र पार्टी कैलारी गाउँपाालिका सभापतिमे रेवन्त बोहरा निर्वाचित हुइल बटै ।

शनिच्चर हसुलियामे हुइल पार्टीके प्रथम गाउँपालिका अधिवेशनसे बोहरा सभापतिमे निर्वाचित हुइल हुृइट । निर्वाचित बोहरा ओ रामकुमार चौधरी सभापति पदके उम्मेदवार हुइलपाछे चुनाव हुइल रहे ।

सभापतिके लाग हुइल चुनावमे दुनु उम्मेदवार २३÷२३ मत प्राप्त करल रहिट, कलेसे पाछे गोला प्रथा मार्फत बोहरा निर्वाचित हुइल हुइट ।

कार्यसमितिके उपसभापतिमे कविता चौधरी (काव्य), सचिवमे जन्जीरु चौधरी ओ सहसचिवमे उषा न्यौपाने रहल बटै । यी आघे उदघाटन सत्रमे प्रमुख अतिथि रास्वपा संघीय नेतृत्व मञ्चके केन्द्रीय सदस्य प्रेमा चौधरी, कैलाली जिल्ला सभापति महेश चौधरी लगायत पार्टीके कार्यकर्ताहुकनके सहभागिता रहल रहे ।