थप १३ जहनमे कोरोना संक्रमण पुष्टि, संक्रमितके संख्या १३४ पुगल
काठमाडौं २९ बैशाख । नेपालमे थप १३ जहनमे कोरोना संक्रमण डेखा परल बा ।
राष्ट्रिय जनस्वास्थ्य प्रयोगशालामे हुइल परीक्षणसे १३ जहनमे संक्रमण पुष्टि हुइल हो । कपिलवस्तुमे ६ जाने, रुपन्देहीमे ६ जाने ओ बर्दियामे १ जाने करके थप १३ जनामे कोरोना पुष्टि हुइल हो । यहिसे आघे सोम्मारके रोज ११ जहनमे कोरोनाके संक्रमण बिल्गाइल रहे ।
स्वास्थ्य तथा जनसंख्या मन्त्रालयके सहायक प्रवक्ता डा समीरकुमार अधिकारीके अनुसार कपिलवस्तुके यसोधरा गाउँपालिका-८ ओ वुद्धभूमि नगरपालिका-७ मे १५, १९, २३, ३०, ३२ ओ ३८ वर्षीय पुरुषमे कोरोना संक्रमण पुष्टि हुइल हो । ओस्टके रुपन्देहीके समरीमाइ गाउँपालिका-७ ओ लुम्बिनी साँस्कृति गाउँपालिका-६ मे २४, २६, २७, ३०, ३२, ओ ४० वर्षीय पुरुष तथा बर्दिया राजापुर ५ के ११ बरसके लौन्डीक्मे कोरोनाके संक्रमण बिल्गाइल बा ।
यी संगे नेपालमे कोरोना संक्रमितके संख्या १ सय ३४ पुगल बा ।
