भारतमे फसल नेपालीहुकनके उद्धारके माग करटी प्रदर्शन

धनगढी, ३१ बैशाख । भारतके टमान शहर ओ सीमावर्ती भारतीय भूभागमे रहल नेपालीहुकनके उद्दारके माग करटी कञ्चनपुरके महाकाली नगरपालिकाके महिलाहुक्रे प्रदर्शन कर्ले बाटै ।

बुधके रोज बिहान महाकाली नगरपालिका–९ आमबोझीके कालिका बजारमे जम्मा होके स्थानीय महिलाहुक्रे भारतके टमान शहर ओ सीमावर्ती भारतीय भूभागमे रहल नेपालीहुकनके उद्दारके माग करटी प्रदर्शन करल हुइट ।

उहाँहुक्रे सरकारसे भारतमे रहल नेपालीहुकनके उद्धारमे चासो नैलेहल कहटी बिरोधमे टायर जराके प्रदर्शन करल रहिट ।

महाकाली लडिया पार रहल दोधारा चाँदनी क्षेत्रके १० हजारसे ढिउर मनै भारतके टमान शहरमे अलपत्र रहल बाटै । सीमावर्ती खटिमा, रुद्रपुर ओ बनबासा क्षेत्रमे महाकाली नगरपालिके सयौं मनै गैल डेढ महिनासे उद्दारके पखाईमे रहल बाटै ।

एक हप्ता प िहले कञ्चनपुरके पुनर्वास क्षेत्रमे फेन प्रदर्शन हुइल रहे ।