कोरोना आशंकामे सेती प्रादेशिक अस्पतालमे भर्ना हुइल ५ जहनके रिपोर्ट निगेटिभ

धनगढी, ६ जेठ । कोरोना आशंकामे सेती प्रादेशिक अस्पतालके आईसोलेसनमे भर्ना हुइल पाँच जनहनके परीक्षण रिपोर्ट नेगेटिभ आइल बा ।
अँट्वाकरे कोरोना आशंकामे आइसोलेसनमे भर्ना हुइल उहाँहुक्रनके रिपोर्ट निगेटिभ आइल सेती प्रादेशिक अस्पतालके सूचना अधिकारी दिलिप कुमार श्रेष्ठ जानकारी डेलै । आइसोलेसनमे भर्ना हुइल गौरीगंगा नगरपालिकाके २९ वर्षीय पुरुष, कैलारी गाउँपालिका १ हसुलियाके २७ वर्षिया महिला, धनगढी उपमहानगरपालिका वडा नम्बर ५ के ३० बर्षीय पुरुष, ओहकान २९ बर्षिया गोसिनीया ओ धनगढी उपमहानगरपालिका–१३ के ३० बर्षीय पुरुषके रिपोर्ट नेगेटिभ आइल हो ।
धनगढी प्रयोगशाला मार्फत ७१ जनहनके कोरोना परीक्षण करल रहे । कोरोना आशंकामे सेती प्रादेशिक अस्पतालका आइशोलेसनमे भर्ना हुइल ५ जने सहित कैलालीके ३९, कञ्चनपुर १७, डोटी ओ बाजुरा ४÷४, बैतडी ओ दार्चुला २÷२, बझाङ, दाङ ओ बर्दियाके एकएक जनहनके नमुना परीक्षण करलमे सक्कु जनहनके रिपोर्ट निगेटिभ आइल सूचना अधिकारी श्रेष्ठ जानकारी डेलै ।