थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २१ अगहन २६४६, बुध ]
[ वि.सं २१ मंसिर २०७९, बुधबार ]
[ 07 Dec 2022, Wednesday ]

आधारात १९५ नेपाली अइलै नेपाल

पहुरा | ७ जेष्ठ २०७७, बुधबार
आधारात १९५ नेपाली अइलै नेपाल

धनगढी, ७ जेठ । मंगरके आधारात १९५ जाने नेपाली नेपाल प्रवेश कर्ले बाटै ।

कञ्चनपुरसे जोरल सीमावर्ती भारतीय क्षेत्रमे अलपत्र परल उहाँहुकन आधारात नेपाल प्रवेश कराइल भीमदत्त नगरपालिका जनैले बा । उहाँहुक्रे भारतके टमान टमान शहरसे खटिमा हुइटी महाकाली नगरपालिकामे आइल रहिट ।

उहाँहुकन मंगरके रात ११ बजेओहोर उद्दार करगिल रहे । उद्दार करल उहाँहुकन भीमदत्त नगरपालिकास्थित बैजनाथ माध्यमिक विद्यालयके क्वारेन्टाइनमे राखल भीमदत्त नगरपालिका प्रमुख सुरेन्द्र बिष्ट जानकारी डेलै ।

यहिसे आघे ५४ जाने मध्ये ९ जहनहे मंगरके रोज सम्बन्धित पालिकामे पठैना बटैटी नगरप्रमुख बिष्ट रातके आइलहुकन फेन स्वास्थ्य परिक्षणपाछे उहाँहुकन फेन पठैना जानकारी डेलै ।

उद्दार हुइलमे सबसे ढिउर मुगुके ४४ जाने रहल बाटै । ओस्टके दैलेखेके १८ जाने रहल बाटै । उद्दार हुइल मनै कालिकोटसे सप्तरीसमके बासिन्दा रहल बाटै ।

यहिसेआघे सीमावर्ती भारतीय क्षेत्रसे उद्दार करल महाकाली नगरपालिकाके २ सय जहनहे क्वारेन्टाईनमे राखगिल बा ।

जनाअवजको टिप्पणीहरू