थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २३ अगहन २६४६, शुक्कर ]
[ वि.सं २३ मंसिर २०७९, शुक्रबार ]
[ 09 Dec 2022, Friday ]

कैलारी गाउँपालिकासे ट्राफिक प्रहरीहे सहयोग

पहुरा | ११ जेष्ठ २०७७, आईतवार
कैलारी गाउँपालिकासे ट्राफिक प्रहरीहे सहयोग

हसुलिया, ११ जेठ । कैलालीके कैलारी गाउँपालिका फूलबारीमे रहल ट्राफिक प्रहरीहे ट्राफिक नियमबारे सचेत करैना सामग्री सहयोग कर्ले बा ।

गाउँपालिकाके कार्यालय हुलाकी राजमार्गमे राखेक् लाग प्रहरीहे ट्राफिक संकेत उल्लेखित सामग्री सहयोग करल हो । गाउँपालिकाके अध्यक्ष लाजुराम चौधरी फूलबारीमे रहल अस्थायी ट्राफिक प्रहरी पोष्टहे उ सामग्री हस्तान्तरण करल रहे ।

उ अवसरमे गाउँपालिकाके सामाजिक विकास शाखा प्रमुख यगम कलेल, योजना शाखा प्रमुख सन्तोषकुमार चौधरी, स्वास्थ्य शाखा प्रमुख विरेन्द्र सापकोटा ओ ट्राफिक प्रहरीके उपस्थिति रहल रहे । गाउँपालिकासे सहयोग करल सामग्री कुछ दिनभिट्रे हुलाकी राजमार्गमे राखजिना जनागिल बा ।

हुलाकी सडकमे ट्राफिक नियम सम्बन्धी सांकेतिक चिन्ह नैहुइलओरसे दुर्घटनाके जोखिम रहल बा । ट्राफिक नियम सम्बन्धी बोर्ड लगायतके सामग्री राख्लेसे जोखिम न्यूनीकरणमे सहयोग पुग्न गाउँपालिका अपेक्षा कर्ले बा । यहेबीच, कैलारी गाउँपालिका–१ हसुलियास्थित दीपेन्द्र माध्यमिक विद्यालयके क्वारेन्टाइनमे रहल १५ जहनके कोरोना परीक्षण रिपोर्ट नेगेटिभ आइल बा । भारतसहित मुलुकके टमान ठाउँसे आइल मनैनके पीसीआर विधिसे स्वाब परीक्षण करगिल रहे ।

गाउँपालिकाके क्वारेन्टाइनमे हालसम ८६ जाने मनै रहल स्वास्थ्य शाखा प्रमुख विरेन्द्र सापकोटा जानकारी डेलै । उहाँ भारतसे अइना क्रम बह्रलओरसे क्वारेन्टाइनके संख्या बह्राई लागल बटैलै ।

जनाअवजको टिप्पणीहरू