आगलागीसे घारी ओ पोल्ट्री फर्म जरके नष्ट
पहुरा |
१२ जेष्ठ २०७७, सोमबार
धनगढी, १२ जेठ । कैलालीके कैलारी गाउँपालिका ८ दक्षिणटेढीस्थित एक गैया राख्न घारी ओ पोल्ट्री फर्म जरके नष्ट हुइल बा ।
स्थानीय टेकबहादुर साउँदके चन्द्र कृषि फर्मभिट्टर रहल घारी ओ पोल्ट्री फर्म सोम्मारके रोज जरके नष्ट हुइल हो ।
प्रहरीके अनुसार घरमे उहाँके बच्चाहुक्रे गैयान् लाग चारा पकैना बेला दुपहर करिब ११÷१२ बजेओहोर आगलागी हुइल हो ।
आगलागीसे घारी ओ भर्खरे फर्ममे डारल २ हजार ब्रोइलर मुर्गीन्के चिंगनी सहित फर्म पूरा जरके क्षति हुइल इलाका प्रहरी कार्यालय हसुलियाके इन्चार्ज नारदसिंह धामी जानकारी डेलै ।
आगलागीहे दक्षिण टेँढी, लोहरपुर, बेनौली लगायतके गाउँके स्थानीयहरु बोरिड्ड, कुलुवाक् पानीसे नियन्त्रणमे लेहल रहिट ।
