थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २९ सावन २६४६, अत्वार ]
[ वि.सं २९ श्रावण २०७९, आईतवार ]
[ 14 Aug 2022, Sunday ]

दह संस्कारपाछे कोरोना पुष्टी, महिमा थारु टोलमे त्रास

पहुरा | २४ जेष्ठ २०७७, शनिबार
दह संस्कारपाछे कोरोना पुष्टी, महिमा थारु टोलमे त्रास

धनगढी, २४ जेठ । मुवल एक जन्नी मनैयाक् अन्त्येष्टि करलपाछे कोरोना पुष्टी हुइलपाछे लहाई तथा मलामी गैल सहभागीहुकनके खोजी हुइल बा ।

सेती प्रादेशिक अस्पतालके डायलासिस वार्डमे शुकके रोज मुवल धनगढी उपमहानगरपालिका ४ के ५५ वर्षिया जन्नी मनैयाक् शनिच्चरके रोज विहानके अन्त्येष्टि करगिल बा । मने अन्त्येष्टिपाछे उ मुवल मनैयाक् रिपोर्टमे कोरोना पोजिटिभ आइलपाछे परिवार तथा स्थानीयमे त्रास फैलनाके साथे सहभागीहुकनके कन्ट्क्याक्ट ट्रेसिङके लाग खोजी हुइल बा ।

धनगढी उपमहानगरपालिका ४ के वडा अध्यक्ष दिपक कुमार थापा क्षेत्री मृतकके अन्त्येष्टि थारु संस्कार अनुसार शनिच्चरके रोज विहानके मोहना लडियाक् घटुवामे करल बटैलै । वडा अध्यक्ष क्षेत्रीक अनुसार वडा नंं ४ महिमा टोलके मृतकके अन्येष्टीमे ४९ जाने सहभागिता हुइल खुलल बा ।
हाल स्वास्थ्य कार्यालय कैलाली कन्ट्याक्ट ट्रेसिङमे जुटल बा । कन्ट्क्याक्ट ट्रेसिङके लाग अन्त्यष्टिमे सहभागी सबैलाई खोज्न थालेको हो ।

कोरोनाके रिपोर्ट नैअइटी परिवारके सदस्यहुकन शव डेहल ओ अन्त्यष्टि हुइलपाछे हाल मृतकके घर रहल महिमा टोलमे त्रास फैलल बा । वडा अध्यक्ष क्षेत्री कहलै–‘अस्पताल रिपोर्ट अइनासे आघे मृतकके शब आफन्तहुकनके जिम्मा लगाके बरवार कमजोरी कर्ले बा । जौन कमजोरीके कारण आफन्त ओ टोलमे त्रास फैलल बा ।’

लम्मा समयसे मृगौला सम्बन्धी रोगसे पीडित उहाँ पहिल पटक डायलासिस कराइक लाग सेती अस्पताल पुगल रही । डायलासिस आघे उहाँके आरडिटी रिपोर्ट भर नेगेटिभ आइल रहे ।
मृतकमे कोरोना पुष्टि हुइलपाछे डायलासिस वार्ड सिल करगिल बा । ओस्टके महिमा टोल फेन सील करल प्रहरी जनैले बा ।

जिल्ला प्रहरी कार्यालय कैलालीके प्रहरी निरिक्षक हिक्मत थापा टोलहे सील करल ओ मलामी गैल सक्कु जाने सम्पर्कमे आइल बटैलै । सक्कु जहन होम क्वारेन्टाइनमे बैठैना उहाँके कहाई रहे ।
यी सँगे सुदूरपश्चिममे कोरोनाके कारण मुना मनैनके संख्या २ पुगल बा । यहिसे आघे जेठ १८ गते सुदूरपश्चिममे पहिल पटक कोरोना भाइरससे बाजुराके २ बरसके बच्चाक् ज्यान गैल रहे ।

जनाअवजको टिप्पणीहरू