क्वारेन्टाइनमे रहल व्यक्तिहे निःशुल्क आयुर्वेदिक औषधी
हसुलिया, २ असार । कैलारी गाउँपालिका अन्र्तगत क्वारेन्टाइनमे रहल व्यक्तिहे निःशुल्क औषधी वितरण करल बा ।
कोरोना भाइरस (कोभिड १९) से बचक लाग ओ रोग प्रतिरोधात्मक क्षमता बह्राइक लाग आयुर्वेद शाखा हसुलियासे क्वारेन्टाइनमे बैठल व्यक्तिहे आयुर्वेदिक औषधी वितरण करल हो ।
आयुर्वेद शाखा हसुलिया प्रमुख सुवाश शाह (कोभिड १९) से बचक लाग ओ रोग प्रतिरोधात्मक क्षमता बह्राइक लाग गाउँपालिका अन्र्तगत हरेक वडाके क्वारेन्टाइनमे रहल व्यक्तिहे औषधी वितरण करल बटैलै । उहाँ यष्टिमधु चुर्ण, गुडुची चुर्ण, त्रिकटु चुर्ण, चयवनप्रास, अस्वगन्धा चुर्ण लगायतके आयुर्वेदिक औषधी वितरण करल जानकारी डेलै ।
आयुर्वेद शाहा हसुलियासे दिपेन्द्र मावि हसुलियामे ८०, बेनौलीमे ४६ , बैजपुरमे ४४, कैलारीमे २४, बिचैपुरमे ४५, रामजानकी प्राथमिक विद्यालय के गाउँ २६, कालिका मावि भितरिया १५, गरिमा प्राथमिक विद्यालय के गाउँ ३३, राष्ट्रिय मावि भुँइयाफाँटा ७० जनहनहे औषधी वितरण करले बा । अन्य वडाके क्वारेन्टाइनमे रहल व्यक्तिहे हाली औषधी वितरण कैना प्रमुख शाह जानकारी डेलै ।
यकर साथे गाउँपालिकाके जनप्रतिनीधी तथा कर्मचारी तथा क्वारेन्टाइनमे खटल स्वास्थ्यकर्मी, सहयोगी कर्मचारीहे फेन औषधी बितरण करल बा ।
क्वारेन्टाइनमे योगाभ्यास
यकर साथे हसुलिया आर्युवेद शाखासे हरेक क्वारेन्टाइनमे बैठल व्यक्तिहे योगा ओ व्याम फेन सिकैना करले बा ।
शाखा प्रमुख शाह क्वोरेन्टाइनमे बैठल व्यक्तिके मानसिक चिन्ता ओ भय हटैना उद्देश्यसे योगासन, प्रयानयम ओ सुर्य नमस्कार लगायतके योगाभ्यास सिकैना करल बटैलै ।
