मोटरसाईकल चोरी करुइया ३ जाने पक्राउ

पहुरा समाचारदाता
धनगढी, २ असार । जिल्ला प्रहरी कार्यालय कैलाली मोटरसाइकल चोरीमे संलग्ना तीन जनहनहे पक्राउ करके सार्वजनिक करले बा ।
पक्राउ परलमे जिल्ला कैलाली गौरीगंगा नगरपालिका वडा नम्बर ८ बडैपुर बैठना बर्ष २० के निर्मल दमाई, बर्ष १८ के हरि कँडेल ओ वर्ष १९ के नरेश चौधरी रहल बाटै । यिहे गैल जेठ ९ गते जिल्ला कैलाली धनगढी उपमहानगरपालिका वडा नम्बर १६ बैठना बिरेन्द्र चन्दके से.३ प.२६ नम्बरके मोटरसाईकल चोरी हुइल कना जानकारी प्राप्त हुइटीकी खटल प्रहरी टोली मोटर साईकल खोजतलास कैना क्रममे जेठ ३२ गते चोरीमे संलग्न उ व्यक्ति मोटरसाइकल पक्राउ करल जिल्ला प्रहरी कार्यालय कैलालीके प्रहरी नायव उपरीक्षक प्रतिक विष्ट बटैलै । कैलाली जिल्ला अदालतसे म्यादथप करके अनुसन्धान हुइटी रहल उहाँ बटैलै ।