नेपालमे अब्बेसमके ढेर संक्रमित थप्लै, संक्रमितके संख्या ७ हजार नाघल

काठमाडौं, ३ असार । पाछेक २४ घण्टामे कोरोना संक्रमितके संख्या हालसमके उच्च दरसे वृद्धि हुइल बा ।
स्वास्थ्य तथा जनसंख्या मन्त्रालयके अनुसार यी अवधिमे ५ सय ८६ जाने कोरोना संक्रमित थपल बाटै । यीसहित कुल संक्रमित ७ हजार १७७ पुगल बाटै ।
स्वास्थ्य तथा जनसंख्या मन्त्रालयके प्रवक्ता जागेश्वर गौतम पाछेक २४ घण्टामे संक्रमित थपल बटैलै ।
पछिल्का २४ घण्टामे ९ जाने पुरुष कोरोनामुक्त हुइल बाटै । उहाँक् अनुसार हालसम १ हजार १ सय ६७ जाने कोरोनामुक्त हुके टमान अस्पतालसे डिस्चार्ज हुसेकल बाटै । जेम्ने महिला १ सय १२ ओ पुरुष १ हजार ५५ बाटै ।
अस्टेक हालसम २० जाने मृतकमे कोरोना संक्रमण पुष्टि हुइल बा ।