थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०१ भादौ २६४६, बुध ]
[ वि.सं १ भाद्र २०७९, बुधबार ]
[ 17 Aug 2022, Wednesday ]
‘ काेराेना कहर ’

सुदूरपश्चिममे आज थप १३७ मे कोरोना पुष्टि, कैलालीमे आजकिल ८० संक्रमित

पहुरा | ८ असार २०७७, सोमबार
सुदूरपश्चिममे आज थप १३७ मे कोरोना पुष्टि, कैलालीमे आजकिल ८० संक्रमित

पहुरा समाचारदाता
धनगढी, ८ असार ।
सुदूरपश्चिम प्रदेशमे थप १ सय ३७ जनहनमे कोरोना पुष्टि हुइल बा । जनस्वास्थ्य प्रयोगशाला काठमाण्डौंमे करल परिक्षणमे थप ९६ जनहनमे कोरोना पुष्टि हुइल स्वास्थ्य मन्त्रालयके प्रवक्ता जागेश्वर गौतम नियमित पत्रकार सम्मेलनमे जानकारी डेलै । कलेसे सेती प्रादेशिक अस्पतालमे करल परिक्षणमे ४१ जनहनमे कोरोना पुष्टि हुइल बा । थपल लौवा संक्रमितमे कैलालीके ८०, डडेलधुराके १८, बैतडीके १४, कञ्चनुर ८, डोटीके ७, अछामके ७, ओ बझाङ ३ करके करके १सय ३७ जनहनमे कोरोना पुष्टि हुइल हो ।
यी संगे सुदूरपश्चिममे संक्रमितके संख्या एक हजार एक सय ६१ पुगल बा । अब्बेसम सबसे ढेर कैलालीके तीन सय ४१, डडेल्धुरामे दुई सय ४, बैतडीमे एक सय ५६, डोटीमे एक सय ६१, कञ्चनपुरमे एक सय आठ, अछामके ८२, बाजुराके ७२, बझाङमे २४ ओ दार्चुलामे १२ जनहनमे कोरोना पुष्टि हुइल बा ।
स्वास्थ्य तथा जनसंख्या मन्त्रालयलके अनुसार पछिल्का २४ घण्टामे सोम्मार देशभर थप ५ सय ३५ जनहनमे कोरोना संक्रमण पुष्टि हुइल बा । कलेसे सेती प्रादेशिक अस्पतालमे करल परिक्षणमे ४१ जनहनमे कोरोना पुष्टि हुइल बा । थपल लौवा संक्रमितसंगे नेपालमे हालसम कोरोना संक्रमतिके संख्या ९ हजार ६ सय २ पुगल बा ।
मन्त्रालयसे आयोजना करल नियमित मिडिया ब्रिफिङमे प्रवक्ता डा. जागेश्वर गौतम सोम्मार केल ५ सय ३५ जनहनमे कोरोना संक्रमण पुष्टि जनैलै । थपल नयाँ संक्रमितमे झापाके ३, मोरङके १२, सप्तरीके १५, धनुषाके १०, महोत्तरीके १, अर्घाखाँचीका ९, गुल्मीके ५६, जाजरकोटके १, नवलपरासीके ५, सर्लाहीके ४७, सिन्धुपाल्चोकके २, सिरहाके २३, स्याङजाके ३३, पाल्पाके ९०, प्युठानके ३०, रौटहटके ३४, रुपन्देहीके १०, चितवनके ५, नवलपरासी पूर्वके २४, ओखलढुंगाके १, तनहुँके ११ ओ दाङके १३ जाने रहल बाटै ।
ओस्टेक, पछिल्का २४ घण्टामे नेपालमे कोरोना संक्रमणहे जिटके ३ सय ७० डिस्चार्ज हुइल बाटै । कोरोना विशेष अस्पताल दाङसे ६ जाने, प्रादेशिक अस्पताल सुर्खेतसे ६ जाने, कालिकोट अस्पतालसे २८ जाने, दैलेख अस्पताल दुल्लुसे २६५ जाने, सल्यान अस्पतालसे ३७ जाने, नारायणी अस्पताल विरगञ्जसे ११ जाने ओ धादिङ अस्पतालसे १७ जाने डिस्चार्ज हुइलसंगे ठिक हुइलके संख्या २ हजार १४२ पुगल बा । मन्त्रालयके अनुसार सोम्मारसम नेपालमे आरडीटी विधिसे २ लाख ६८ हजार १ सय ३ नमुना परीक्षण हुइल बाटै । २४ घण्टामे ५ हजार ९२९ आरडीटी परीक्षण हुइल बाटै । पीसीआर विधिसे भर हालसम १ लाख ८१ हजार ३७१ परीक्षण करल बाटै ओ २४ घण्टामे ६ हजार १९८ परीक्षण हुइल बाटै ।
हालसम क्वारेन्टाइनमे रहुइयाके संख्या ९० हजार ७३० जाने रहल बाटै । ओस्टेक करके आइसोलेसनमे रहुइयाके संख्या ७ हजार २३१ जाने रहल बाटै । मन्त्रालयके अनुसार रसुवा जिल्ला बाहेक मुलुकके सक्कु जिल्लामे कोरोना संक्रमित भेटगैल बा ।

सम्बन्धित समाचार
सुदूरपश्चिममे थप ९६ जहनमे काेराेना पुष्टि, संक्रमितके संख्या ११२० पुगल
नेपालमे थप ५३५ जहनमे कोरोना पुष्टि, संक्रमितके संख्या ९५६१ पुगल

जनाअवजको टिप्पणीहरू