थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ३० सावन २६४६, सोम्मार ]
[ वि.सं ३० श्रावण २०७९, सोमबार ]
[ 15 Aug 2022, Monday ]

‘ब्रिडिङ सिजन’ मे मन्त्रीफाँटामे दुर्लभ सारस

पहुरा | ९ असार २०७७, मंगलवार
‘ब्रिडिङ सिजन’ मे मन्त्रीफाँटामे दुर्लभ सारस

अविनाश चौधरी
धनगढी, ९ असार ।
कैलालीके भजनी नगरपालिकास्थित मन्त्रीफाँटामे थप संख्यासहित पुनः दुर्लभ सारस डेखा परल बाटै । गैल बरस सावनमे डेख परल सारस यी बरस ‘ब्रिडिङ सिजन’ मे पुनः मन्त्रीफाँटामे डेख परल हुइट । बर्खा सिजन सारसके लाग बच्चा कोरल्न समय हो । गैल बरस तीनठो सारस डेखल मे यी बरस चारठा डेखा परल कैलालीके चराविद् हिरुलाल डंगौरा बटैलै ।
‘गैल बरसके सावन महिनामे तीन मध्ये कुछ दिनपाछे दुईठो मन्त्रीफाँटासे गायब हुइल रहिट’, उहाँ कहलै ।‘एक जोडी टे सारस बच्चा घोरे गैल कना मोर अनुमान हो ।’
सम्भवतः सारसके एकठो बच्चा थप होके संख्या चार पुगल ओ उहे परिवार मन्त्रीफाँटामे आइल हुइ सेक्ना चराविद् डंगौराके बुझाइ रहल बा । दशकआघे मन्त्रीफाँटा ओ भजनीमे रहल पुरैना ताल सारसके बसोबास स्थानके रुपमे रहल रहे । मने, बासस्थानके विनाशके कारण वहाँँ सारस डेखे छोरल रहिट । झन्डे दशकपाछे गैल बरस मन्त्रीफाँटामे पुनः सारस डेख परे लागल बाटै ।
‘एक बरसपाछे संख्या फेन थप हुइल ह्रमे संरक्षणमे लागलहुक्रे उत्साहित हुइल बाटी’, भजनी नगरपालिका–१ के स्थानीय गंगा डंगौरा कहलै । मन्त्रीफाँटा विश्वमे दुर्लभ गङ्गेटिक प्रजातिके डल्फिन डेखजैना क्षेत्र फेन हो । उ क्षेत्रके टमान लडियामे बर्खा सिजनभर डल्फिन डेखजैना करल बाटै । –गाेरखापत्र

जनाअवजको टिप्पणीहरू