थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ३० सावन २६४६, सोम्मार ]
[ वि.सं ३० श्रावण २०७९, सोमबार ]
[ 15 Aug 2022, Monday ]

सुदूरपश्चिममे कोरोना संक्रमित १२ सय ७७ पुग्लै

पहुरा | ९ असार २०७७, मंगलवार
सुदूरपश्चिममे कोरोना संक्रमित १२ सय ७७ पुग्लै

पहुरा समाचारदाता
धनगढी,९ असार ।
सुदूरपश्चिममे कोरोना संक्रमितके संख्या एक हजार २ सय ७७ पुगल बा । स्वास्थ्य तथा जनसंख्या मन्त्रालयसे मंगरके रोज कैगिल मिडिया व्रिभिङमे ६७ जाने ओ सेती प्रादेशिक अस्पताल धनगढीमे ४९ जाने करके ११६ जनहनमे कोरोना पुष्टि हुइल हो ।
राष्ट्रिय जनस्वास्थ्य प्रयोगशाला काठमाडौँमे हुइल परीक्षणमे बाजुराके ११ महिला ओ ९ पुरुष करके २० जाने, बझाङके ३ महिला ओ १६ पुरुष करके १९ जाने, कैलालीके १ महिला ओ १५ पुरुष करके १६ जाने, कञ्चनपुरके २ महिला ओ सात पुरुष करके ९ जाने, अछामके दुई महिला ओ डडेल्धुराके एक पुरुषमे कोरोना पुष्टि हुइल स्वास्थ्य मन्त्रालयके नियमित मिडिया व्रिभिङमे जानकारी डेहल बा । कलेसे सेती प्रादेशिक अस्पताल धनगढीमे हुइलमे परिक्षणमे कैलालीके ४६ जाने, बझाङ, बाजुरा ओ कञ्चनपुरके एक/एक करके ४९ जनहनमे थप कोरोना पुष्टि हुइल हो । ओम्ने १७ महिला ३२ पुरुष रहल बाटै ।
संक्रमिट मन्से सबसे कैलालीके गोदावरीके ४४ जाने रहल बाटै । सुदूरपश्चिम प्रदेशमे सोम्मारसम ११ सय ६१ जाने कोरोना संक्रमिट रहिट ।

नेपालमे कोरोना संक्रमितके संख्या १० हजार नाघल
पछिल्का २४ घण्टामे थप ५३८ जनहनमे कोरोना भाइरस (कोभिड–१९) के संक्रमण पुष्टि हुइल बा । यी संगे संक्रमितके कुल संख्या १० हजार नाघल बा ।
मन्त्रालयके अनुसार सबसे ढेर प्युठानमे ५० जाने कोरोना संक्रमित थपल बाटै । ओस्टेक, पाल्पाके ४८ जाने, धनुषाके ३९, गोरखाके २९, सुर्खेतके २३, स्याङ्जा, नवलपुर, दैलेखके २२ जाने, पर्वतके २१, दाङके १९, सप्तरी ओ धादिङके १८/१८ जाने, बाग्लुङके १४, रौतहटके १३, महोत्तरी ओ झापा १२/१२ जाने बाटै ।
ओस्टेक, कास्की ओ तनहुँके ८/८ जाने, सिराहा ७ जाने, सुनसरीके ६, लमजुङके ५, गुल्मीके ५, सल्यान ४ जाने, मोरङ, तेह्रथुम, अर्घाखाँची, सर्लाही ओ रुपन्देहीके २/२ जानेक रिपोर्ट पोजेटिभ आइल बा ।
रुपन्देही, कालीकोट, हुम्ला ओ पर्वतके एक/एक जनहनमेफे कोरोना संक्रमण पुष्टि हुइल बा । यी संगे नेपालके कुल कोरोना संक्रमितके संख्या १० हजार ९९ पुगल बा । ओइने मन्से २४ जनहनके मृत्यु हुइल बा कलेसे २२२४ जाने डिस्चार्ज हुइल बाटै ।

थप एक जनेक मृत्यु
कोरोना संक्रमणके कारण थप एक जनेक मृत्यु हुइल स्वास्थ्य तथा जनसंख्या मन्त्रालय पुष्टि करले बा । सुर्खेतके वीरेन्द्रनगरस्थित प्रदेश अस्पतालके सघन उपचार कक्ष (आईसीयू) मे उपचारत दैलेख दुल्लु नगरपालिका–३ के ४५ वर्षीय पुरुषके मृत्यु हुइल हो ।
कोरोना संक्रमण पुष्टि हुइलपाछे उहाँहे ४ असारमे अस्पतालमे भर्ना करल रहे ।
मृतक नम्मा समयसे क्षयरोगके उपचार करैटी रहल उहाँक अवस्था गम्भीर हुइल ओरसे आईसीयूमे धारके उपचार करल ओ मंगरके मृत्यु हुइल अस्पतालके कोरोना फोकल पर्सन डाक्टर केएन पौडेल जानकारी डेलै ।

जनाअवजको टिप्पणीहरू