गौरीगंगाके बजेट ७९ करोड ४० लाख

घनश्याम पौडेल
मसुरिया, १० असार । कैलालीकै गौरीगंगा नगरपालिका अइना आर्थिक बर्षके लाग ७९ करोड ४० लाख ६३ हजारके बजेट नन्ले बा ।
नगरपालिकासे आर्थिक बर्ष २०७७÷०७८ के अनुमानित बजेट बुधके नगर सभामे सार्बजनिक करल हो । आठौं नगर सभामे नगर उपप्रमुख अंचला चौधरीसे नगरपालिकाके अइना वर्षके बजेट प्रस्तुत करल हुइट । बजेटमे चालु खर्च जेष्ठ मसान्तसम ओर ३५ करोड ९८ लाख १३ हजार हुके ४९.९८ प्रतिशत खर्च हुइल बा । चालू बर्षके लाग ७० करोड ४० लाख प्रस्तावित बजेट रहलमे जेष्ठ मसान्तसम ५८ करोड २१ लाख ५५ हजार आम्दानी हुइल बा ।
२०७७÷०७८ के बजेटमे आयओर आन्तरीक आय ५ करोड ८८ लाख ९७ हजार, वित्तीय समानिकरण १६ करोड ५४ लाख ७१ हजार, राजस्व वाँडफाँडसे १३ करोड ४१ लाख ६५ हजार ६ सय, सशर्त अनुदान २१ करोड ६२ लाख, संघीय समपुरक अनुदान ३ करोड ४ लाख, प्रदेश सरकार समपुरक कोष अनुदान १ करोड ४० लाख ३० हजार, प्रदेश सरकार बिशेष अनुदान ४९ लाख ओ सामाजिक सुरक्षा कार्यक्रम १७ करोड रहल उल्लेख करल बा ।

चालू बर्षके कर तिरल व्यवसायीहे २०७७÷०७८ के कर छुट
मसुरिया, १० असार । गौरीगंगा नगरपालिका बुधके नीति कार्यक्रम तथा बजेट प्रस्तुत करले बा । नगर प्रमुख भीमबहादुर देउवा नगरपालिकाके नीति तथा कार्यक्रम प्रस्तुत करल रहिट । अइना बर्षके लाग नीति तथा कार्यक्रम प्रस्तुत करटी प्रत्येक वडा एक डगर नगर गौरवके योजना, विपद जोखिममे रहल वर्गहे न्यून लागतमे एकीकृत आवास ओ हाल रहल अस्थायी पुल विस्थापित करके प्राथमिकताके आधारमे पक्की ओ झोलुङे पुल निर्माण कैना कहल बा ।
विदेशसे लौटल ओ स्वदेशमे रहल वेरोजगारहे सीप अनुसारके उद्यम कैना एकलाख समके उपकरण खरिदमे ५० प्रतिशत अनुदान डेना नगरपालिका जनैले बा । मदिरा बिक्री वितरणमे नियमन ओ निश्चित ठाउँमे अनुमति डेना, विद्यालय शिक्षा सुधार, विकासके लाग शिक्षा विकास गुरुयोजना तर्जुमा करके कार्यान्वयन कहल बा ।
२ ठो व्यायाम शाला ओ खेलकुद पुर्वाधार विकास कैना, किशोरावस्थाके विद्यार्थीनहे सघन प्रजनन स्वास्थ्य शिक्षा अभिमुखिकरण कैना, नगरभिटरके सक्कु संघसंस्था ओ कार्यालयमे फोहोर व्यवस्थापन करके बगैंचा निर्माण कैना उत्प्रेरित कैना कहल बा । नगरपालिकाके बजारमे यात्रु प्रतिक्षालय निर्माण, फ्रि वाईफाई रख्ना, नगरभिटरके जोखिमयुक्त स्थानमे सिसि टिभि जडान करके सुरक्षा व्यवस्था प्रभावकारी बनैना कहल बा । लैङिकि विभेद, जातीय छुवाछूत, समान कामके ज्यालामे हुइना भेदभाव ओ विभेदहे निर्मुल करटी विभेदमुक्त नगरपालिका बनैना, नगरभिटरके व्यक्तिहुक्रे भोगचलन करल ऐलानी, प्रति जग्गाके लगत संकलन करके लालपुर्जा वितरण कैना कहल बा ।
मस्टी गैल वन क्षेत्रके दिगो विकास तथा बसन्ता जैविक मार्गके संरक्षण करके ‘स्वच्छ हावा,स्वस्थ्य व्यक्ति ओ समाज’ अभियान संचालन कैना कहल बा । प्रत्येक पुर्वाधार विकास निर्माण योजनाके बजेटसे १ प्रतिशत रकम अनिवार्य विपद् व्यवस्थापन कोषमे रख्ना, कोभिड–१९ से पारल प्रभावहे मध्यनजर करके उद्योग व्यावसायहे चालू वर्षके व्यावसायिक करमे २५ प्रतिशतसे छुट डेना कर भुक्तान करल कर दाताहे उ बराबर आ.व. २०७७÷०७८ मे छुट डेना नगरपालिका जनैले बा । नगरपालिकाके सपिङ कम्पलेक्समे व्यवसाय संचालकहे हालके बन्दाबन्दीके अवस्था अनुसार २ महिनाके भाडा छुट करल बा ।