सुदूरपश्चिममे संक्रमितके संख्या १८ सय ८६ पुगल

पहुरा समाचारदाता
धनगढी,१२ असार । सुदुरपश्चिमम प्रदेशमे शुकके रोज थप २१९ जनहनमे कोरोना पुष्टि हुइल बा ।
धनगढी स्थित प्रयोगशालामे परिक्षणके क्रममे ३५ जाने, राष्ट्रिय जनसंख्या प्रयोगशाला टेकुमे १८३ ओ भरतपुर अस्पताल प्रयोगशालाके हुइल परिक्षणमे एक करके २१९ जनहनमे कोरोना संक्रमणके पुष्टि हुइल हो ।
सेती प्रादेशिक अस्पतालके सुचना अधिकारी दिलिप श्रेष्ठके अनुसार सेतीमे हुइल परिक्षणमे ७ महिला ओ २८ पुरुषमे कोरोना पुष्टि हुइल जानकारी डेलै ।
सूचना अधिकारी श्रेष्ठके अनुसार लौवा ठपलमे डोटीके २५, कैलाली भजनीके दुई ओ चुरेके पाँच करके ७, बैतडी पञ्चेश्वरके दुई ओ कञ्चनपुर भीमदत्तके एक जनहनमे कोरोना पुष्टि हुइल बा । संक्रमण पुष्टि हुइल ३५ जाने मन्से डोटीके ६ ओ कैलालीके एक महिला रहल बाटै ।
राष्ट्रिय जनस्वास्थ्य प्रयोगशाला टेकुमे हुइल परिक्षणमे कैलालीके आठ महिला, २२ पुरुष, कञ्चनपुरके आठ महिला ३४ पुरुष, डोटीके १७ महिला २९ पुरुष, बझाङके ३ महिला ६ पुरुष, बाजुराके १० महिला १७ पुरुष, दार्चुलाके ३ पुरुष, बैतडीके ५ महिला २० पुरुष ओ अछामके एक पुरुषमे कोरोना पुष्टि हुइल बा । ओस्टेक भरतपुर अस्पताल प्रयोगशालामे कैलालीके एक जाने पुरुषमे कोरोना पुष्टि हुइल बा । यी संगे सुदूरपश्चिम प्रदेशमे कोरोना संक्रमिटके संख्या १८ सय ८६ पुगल बा । पुष्टि हुइल पाँच जनेक मृत्यु हुसेक बा । कलेसे दुई सय ४४ जाने टमान अस्पतालसे डिस्चार्ज हुइल बाटै । ओस्टेक पछिल्का २४ घण्टामे देशभर ५ सय ९३ जाने कोरोनाके लौवा संक्रमित थपल स्वास्थ्य तथा जनसंख्या मन्त्रालयके प्रवक्ता डा. जागेश्वर गौतम जानकारी डेलै ।