कैलारी गाउँपालिकाको नीति, कार्यक्रम र बजेट पारित
पहुरा समाचारदाता
हसुलिया, १३ असार । कैलारी गाउँपालिकाको आर्थिक वर्ष २०७७र०७८ को नीति तथा कार्यक्रम र बजेट सर्वसम्मतले पारित भएको छ ।
शुक्रबार बसेको गाउँ सभा बैठकले आगामी आर्थिक वर्षको लागि सभामा प्रस्तुत नीति तथा कार्यक्रम सर्वसम्मतले पारित गरेको हो । गाउँ सभाको छैटौं अधिवेशन उदघाटनसत्रमा गाउँपालिकाका अध्यक्ष लाजुराम चौधरीले स्वास्थ्य, कृषि, रोजगारी र शिक्षालाई विशेष जोडसहितको नीति तथा कार्यक्रम प्रस्तुत गरेका थिए ।
यसैगरी, गाउँपालिकाका उपाध्यक्ष लक्ष्मी सत्गौवाले ५० करोड ९५ लाख ६६ हजार रुपैयाँको बजेट प्रस्तुत गरेकी थिइन ।
गाउँ सभा बैठकमा छ्लफलपछि नीति तथा कार्यक्रम र बजेटलाई सर्वसम्मतिले पारित गरेको गाउँपालिकाका प्रवक्ता कमलप्रसाद चौधरीले जानकारी दिए ।
बैठकमा गाउँ सभा सदस्य, गाउँपालिका प्रमुख प्रशासकीय अधिकृत खगेन्द्रराज जोशी, सामाजिक विकास शाखा अधिकृत एवम सूचना अधिकारी यगम कलेलसहित अन्य शाखाका कर्मचारीको सहभागिता रहेको थियो ।
