स्थानीयतहके राजश्व सम्बन्धी छलफल

पहुरा समाचारदाता
धनगढी, १५ असार । धनगढी उपमहानगरपालिका राजश्व शाखाके आयोजनामे स्थानीयतहके राजश्व सम्वन्धी छलफल सोम्मार सम्पन्न हुइल बा ।
छलफलमे नगरप्रमुख नृपबहादुर वड, उपप्रमुख सुशीला मिश्र भट्ट लगायत राजश्व परामर्श समितिके पदाधीकारी, वडा अध्यक्ष ओ नगरसभा सदस्य, राजश्वके कर्मचारीहुकनके सहभागिता रहल राजश्व शाखा प्रमुख लेखनाथ ओझा बटैलै ।
राजश्व शाखा प्रमुख ओझा कोरोना माहामारी ओ ओकर रोकथामके लाग सरकारसे जारी करल लकडाउनके कारण स्थानीयतहके राजश्वमे भारी गिरावट आइल बटैलै ।
टबमारे स्थानीयतहके राजश्व ओ आर्थिक ऐनके विषयमेफे छलफल हुइल हो । जौन छलफलमे स्थानीयतहके राजश्व सम्वन्धी विज्ञ डाक्टर नारायण बास्कोटा सहजीकरण करल रहिट ।