थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २३ अगहन २६४६, शुक्कर ]
[ वि.सं २३ मंसिर २०७९, शुक्रबार ]
[ 09 Dec 2022, Friday ]

सुदूरपश्चिममे ठप ९६ मे कोरोना पुष्टि

पहुरा | १६ असार २०७७, मंगलवार
सुदूरपश्चिममे ठप ९६ मे कोरोना पुष्टि

पहुरा समाचारदाता
धनगढी, १६ असार । सुदूरपश्चिम प्रदेशमे मंगरके रोज ठप ९६ जनहनमे कोरोना संक्रमणके पुष्टि हुइल बा । स्वास्थ्य तथा जनसङख्या मन्त्रालयके प्रवक्ता डाक्टर जागेश्वर गौतमसे डेहल जानकारी अनुसार धनगढी प्रयोगशाला, राष्ट्रिय जनस्वास्थ्य प्रयोगशाला काठमाडौँ, पाटन अस्पताल, विर अस्पताल ओ कर्णाली स्वास्थ्य विज्ञान प्रतिष्ठानमे हुइल परीक्षणमे ९६ जनहनमे कोरोना पुष्टि हुइल हो ।
धनगढीमे हुइल परीक्षणमे मंगरके रोज ठप दुई जनहनमे केल कोरोना पुष्टि हुइल बा । धनगढी उपमहानगरपालिका वडा नम्वर ५ के ४४ वर्षीय पुरुष ओ अछामके रामारोशन गाउँपालिका वडा नम्वर ५ के ४५ बरसके पुरुषमे कोरोना पुष्टि हुइल सेती अस्पतालके सूचना अधिकारी दिलिपकुमार श्रेष्ठ विज्ञप्ती मार्पmत जानकारी डेलै ।
ओस्टेक स्वास्थ्य तथा जनसङख्या मन्त्रालयके प्रवक्ता डाक्टर जागेश्वर गौतमसे दैनिक मिडिया विफ्रिङमे डेहल जानकारी अनुसार राष्ट्रिय जनस्वास्थ्य प्रयोगशालामे हुइल परीक्षणमे अछामके सात महिला ओ २० पुरुष करके २७ जाने ओ बाजुराके एक पुरुषमे कोरोना पुष्टि हुइल बा ।
ओस्टेक कर्णाली स्वास्थ्य विज्ञान प्रतिष्ठानमे हुइल परीक्षणमे बाजुराके १६ महिला ओ ३२ पुरुषमे कोरोना पुष्टि हुइल उहाँ जनैलै ।
प्रवक्ता डाक्टर गौतमके अनुसार विर अस्पतालमे हुइल परीक्षणमे डोटीके एक महिला ओ १४ पुरुष करके १५ जाने, बैतडीके एक पुरुष ओ अछामके एक महिलामे कोरोना पुष्टि हुइल बा, कलेसे पाटन अस्पतालमे हुइल परीक्षणमे डडेल्धुराके एक पुरुषमे कोरोना पुष्टि हुइल बा ।
यी संगे सुदूरपश्चिममे संक्रमितके संख्या दुई हजार पाँच सय ३१ पुगल बा । मंगरके रोज ठपल करके अभिनसम सबसे ढेर कैलालीके छ सय ८ जनहनमे कोरोना पुष्टि हुइल बा । ओस्टेक बाजुरामे चार सय ६५, डोटीमे चार सय ४०, कञ्चनपुरमे तीन सय सात, डडेल्धुरामे दुई सय २९, बैतडीमे दुई सय १८, अछाममे एक सय ६८, बझाङमे ७९ ओ दार्चुलामे १७ जनहनमे कोरोना पुष्टि हुइल बा । पुष्टि हुइल ६ जनेक मृत्यु हुसेकल बा । कलेसे तीन सय ८८ जाने टमान अस्पतालसे डिस्चार्ज हुूइल बाटै ।

जनाअवजको टिप्पणीहरू