थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २२ अगहन २६४६, बिफे ]
[ वि.सं २२ मंसिर २०७९, बिहीबार ]
[ 08 Dec 2022, Thursday ]

सुदूरपश्चिममे आझसमके ढेर संक्रमित, एक्के दिन ३४६ जहनमे कोरोना पुष्टि

पहुरा | १८ असार २०७७, बिहीबार
सुदूरपश्चिममे आझसमके ढेर संक्रमित, एक्के दिन ३४६ जहनमे कोरोना पुष्टि

पहुरा समाचारदाता
धनगढी, १८ असार ।
सुदूरपश्चिममे आज थप ३ सय ४६ जहनमे कोरोना पुष्टि हुइल बा । राष्ट्रिय जनस्वास्थ्य प्रयोगशालामे हुइल परीक्षणमे ३ सय २० ओ धनगढी प्रयोगशालामे हुइल परीक्षणमे २६ कैके आज ३ सय ४६ जहनमे कोरोना पुष्टि हुइल हो ।
आज राष्ट्रिय जनस्वास्थ्य प्रयोगशालामे हुइल परीक्षणमे कैलालीके ४० महिला ओ १ सय २५ पुरुष कैके १ सय ६५ जाने, अछामके ५ महिला ओ २६ पुरुष कैके ३१ जाने, बझाङके ११ महिला ओ २४ पुरुष कैके ३५ जाने, डोटीके १० महिला ओ ४८ पुरुष कैके ५८ जाने ओ कञ्चनपुरके ६ महिला ओ २५ पुरुष कैके ३१ जनहनमे कोरोना पुष्टि हुइल स्वास्थ्य तथा जनसंख्या मन्त्रालयके प्रवक्ता डाक्टर जागेश्वर गौतम बटैलै ।
अस्टेक धनगढीमे आज हुइल परीक्षणमे ८ महिला ओ १८ पुरुष कैके २६ जहनमे कोरोना पुष्टि हुइल सेती प्रादेशिक अस्पतालके सूचना अधिकारी दिलिपकुमार श्रेष्ठ बटैलै । उहाँक अनुसार कैलालीके टीकापुरके १३ जाने, कैलारी गाउँपालिकाके २ जाने ओ भजनी नगरपालिकाके २ जनहनहमे कोरोना पुष्टि हुइल हो ।
कञ्चनपुरके लालझाडी गाउँपालिकाके २ जाने ओ भीमदत्त नगरपालिकाके १ जाने ओ अछामके साँफेवगर नगरपालिकाके ६ जहनमे कोरोना पुष्टि हुइल श्रेष्ठ जानकारी डेलै ।
धनगढी प्रयोगशालामे पाछेक २४ घण्टामे २ सय ९ जाने कोरोना परीक्षण हुइल रहे । सुदूरपश्चिममे अब्बेसम ३ हजारसे ढेरमे कोरोना पुष्टि हुइल बा कलेसे पुष्टि हुइल ७ जहनके मृत्यु हुइल बा । अस्टेक ४ सय ९५ जाने अस्पतालसे डिस्चार्ज हुइल बाटै ।

जनाअवजको टिप्पणीहरू