सुदूरपश्चिममे ३९ जाने कोरोना संक्रमिट ठप्लै

पहुरा समाचारदाता
धनगढी, १९ असार । सुदूरपश्चिम प्रदेशमे शुकके दुपहर दुई बजेसम ३९ जाने कोरोना संक्रमित ठपल बाटै ।
सेती प्रादेशिक अस्पतालके प्रयोगशालामे हुइल परिक्षणमे ३९ जाने कोरोना संक्रमिट ठपल अस्पतालके सूचना अधिकारी दिलिपकुमार श्रेष्ठ जनैलै । लौव ठपल संक्रमिटमे अछाम मंगलसेनके दुई जाने पुरुष, बैतडी मेलौलीके एक महिला, दुई पुरुष, बैतडी पुचौडीके एक महिला, बझाङ छब्बिसपाथिभारा एक पुरुष, डोटी शिखरके एक पुरुष, डोटी केआइसिंङके एक पुरुष, डोटी आर्दशके एक महिला, नौ पुरुष, कैलालीके गोदावरीके दुई महिला, आठ पुरुष, कैलाली चुरेके एक महिला, एक पुरुष, कैलाली टिकापुरके एक पुरुष ओ कञ्चनपुर भीमदत्तनगरपालिकाके तीन महिला, चार पुरुष रहल बाटै । सेती प्रयोगशालाके पछिल्का २४ घण्टामे २ सय ६९ जानेक पिसिआर जाँच करल सूचना अधिकारी श्रेष्ठ बटैलै ।