थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १३ अगहन २६४६, मंगर ]
[ वि.सं १३ मंसिर २०७९, मंगलवार ]
[ 29 Nov 2022, Tuesday ]

आज भिटामिन ए खवैटी

पहुरा | २२ असार २०७७, सोमबार
आज भिटामिन ए खवैटी

पहुरा समाचारदाता
धनगढी, २२ असार ।
देशभरके पाँच वर्षसमक लर्कनहे सोम्मार भिटामिन ‘ए’ ओ जुकाके औषधि खवागिल बा । सोम्मार खाई छुटलहुकनहे मंगरके रोज खवागिल बा । गैल वैशाख ६ ओ ७ गते तय करल यी कार्यक्रम कोरोना भाइरसके महामारीके गत चैत २१ गते स्थगित करल रहे ।
सरकारसे प्रत्येक वर्ष पहिल चरण कार्तिक २ ओ ३ गते तथा दुसरा चरण वैशाख ६ ओ ७ गते करके दुई चो उ कार्यक्रम सञ्चालन करटी आइल बा । मने यी वर्ष कोरोना महामारीके कारण दुसरा चरणके कार्यक्रम असार २२ ओ २३ गते तय करल स्वास्थ्य सेवा विभाग, पोषण शाखा जनैले बा ।
कोरोना भाइरसके महामारी हुइल कारण यी वर्षके खोप कार्यक्रममे सचेतता अपनाइल बा । स्वास्थ्यकर्मीसे पञ्जा, मास्क ओ मुह ढक्ना भाइजर लगैले बाटै । भिटामिन ए खवैना लर्का ओ ओइनके अभिभावकफे मास्क लगाके आइल रहिट । ढेर जैसिन ठाउँमे स्वास्थ्यकर्मी अभिभावकहे भिटामिन ए खवैना जिम्मा डेले रहिट ।
लर्कनहे भिटामिन ए, जुकाके औषधि ओ बालभिटाफे खवैना करजाइठ । जुकाके औषधि एक वर्षसे उप्पर लर्कनहे केल डेना करल बा ।
छ महिनासे ५९ महिनासमके लर्कनमे हुई सेक्ना स्वास्थ्य जटिलता तथा कुपोषणके जोखिम न्यूनीकरण करेक लाग सरकारसे २०५३ सालसे भिटामिन ए कार्यक्रम संचालन करटी आइल बा ।
ओस्टेक १५ बहुसूक्ष्म पोषण तत्वसे बनल बालभिटा छ महिनासे २३ महिनाके लर्कनहे खवैना करजाइठ । बालभिटा २०६६ सालसे लर्कनहे खवाई लागल हो । ‘राष्ट्रिय भिटामिन ए’ कार्यक्रममे देशभरके ५२ हजार स्वास्थ्य स्वयंसेविकाहे परिचालन करल बा ।

जनाअवजको टिप्पणीहरू