थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २३ अगहन २६४६, शुक्कर ]
[ वि.सं २३ मंसिर २०७९, शुक्रबार ]
[ 09 Dec 2022, Friday ]

विपद प्रतिकार्य योजना बारे छलफल

पहुरा | २९ असार २०७७, सोमबार
विपद प्रतिकार्य योजना बारे छलफल

पहुरा समाचारदाता
धनगढी, २९ असार ।
धनगढी उप–महानगरपालिकामे स्थानीय विपद व्यवस्थापन समितिके बैठक सोम्मारके रोज हुइल बा ।

बैठकमे नेपाल रेडक्रस सोसाईटी कैलालीसे कोभिड महामारीके समयमे करल मुख्य क्रियाकलापके समिक्षा करल रहे । ओस्टेक करके धनगढी उप–महानगरपालिकासे तयार करल विपद प्रतिकार्य योजनाके बारेमेफे छलफल हुइल रहे ।

मनसुन सक्रिय हुई लागल ओरसे मनसुन प्रतिकार्य योजना एक साताभिटरके बनाके काम सुरु कैना नगर कार्यपालिका सदस्य प्रेम सिं बिकके संयोजकत्वमे टाक्स टिम बनाइल नगरप्रमुख वड बटैलै । उहाँ कहलै, सक्कु वडामे विपदमे खटन च्याम्पीयनहे तयारी अवस्थामे रख्न तथा वडा वडा स्तरीय विपद व्यवस्थापन समितिके बैठक तत्काल रख्न बैठक निर्देशित करले बा ।

उहे कार्यक्रममे नेपाल रेडक्रस सोसाईटी कैलाली शाखा धनगढी उप–महानगरपालिकाहे डस्टविन ओ मास्क फे उपलब्ध करैले बा । नेपाल रेडक्रस सोसाईटी कैलाली शाखा सभापति उत्तम जोशी डस्टविन ओ मास्क हस्तान्तरण करल हुइट । सभापति जोशी रेडक्रस कैलाली उप–महानगरपालिका संग हातेमालो करके आघे बढटी रहल बटैलै ।

जनाअवजको टिप्पणीहरू