ख्रिष्टिय एकता समाजसे स्वास्थ्य सामग्री सहयोग

पहुरा समाचारदाता
हसुलिया, ३१ असार । ख्रिष्टिय एकता समाज धनगढीसे कैलारी गाउँपालिकाहे स्वास्थ्य सामग्री सहयोग करल बा ।

गाउँपालिकामे रहल क्वारेन्टाइन ओ आइसोलेसन व्यवस्थापनके लाग समाजसे स्वास्थ्य सामग्री सहयोग करल हो । समाजके सचिव वीरेन्द्र करिया बुधके कैलारी गाउँपालिकाके अध्यक्ष लाजुराम चौधरीहे उ सामग्री हस्तान्तरण करल रहिट ।

ख्रिष्टिय एकता समाजसे ३९ थान व्यक्तिगत सुरक्षा पोशाक (पीपीई), मास्क ओ पञ्जा ३००÷३०० थान, थर्मोगन दुई थान ओ ५० थान सेनिटाइजर सहयोग करल गाउँपालिकाके कर्मचारी रवीन्द्र चौधरी जानकारी डेलै । स्वास्थ्य सामग्री हस्तान्तरणके क्रममे गाउँपालिकाके स्वास्थ्य शाखा प्रमुख वीरेन्द्र सापकोटा, योजना शाखा प्रमुख सन्तोषकुमार चौधरी लगायतके उपस्थिति रहल रहे ।