थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २८ सावन २६४६, शनिच्चर ]
[ वि.सं २८ श्रावण २०७९, शनिबार ]
[ 13 Aug 2022, Saturday ]

प्रिन्स दाहाल एसियाके उत्कृष्ट जुनियर खेलाडी

पहुरा | ३ श्रावण २०७७, शनिबार
प्रिन्स दाहाल एसियाके उत्कृष्ट जुनियर खेलाडी

पहुरा समाचारदाता
धनगढी, ३ सावन ।
ब्याडमिन्टन एसियासे नेपाली ब्याडमिन्टनके युवा स्टार प्रिन्स दाहाल एसियाके उत्कृष्ट जुनियर खेलाडी रहल जनैले बा ।

दार्चुलाके खलंगामे जन्मल प्रिन्स उमेर समूहमे आपनहे अब्बल सावित करसेकल बाटै । एसिया ब्याडमिन्टनसे प्रिन्सके बारेम संक्षिप्त लेख लेख्टी वर्तमान अवस्थामे प्रिन्स नै एसियाली क्षेत्रके उत्कृष्ट युवा खेलाडी रहल जनाइल हो । विश्व ब्याडमिन्टनके जुनियर वरियतामे प्रिन्स सातौं स्थानमे बाटै, जौन नेपालके युवा ब्याडमिन्टन खेलाडी अब्बेसम प्राप्त करल बरवार उपलब्धी हो ।

ब्याडमिन्टन एसियास हरेक हप्ता एसिया क्षेत्रके उत्कृष्ट खेलाडीके लेख सार्वजनिक करठ् । ओहे अन्तर्गत यी साता नेपालके प्रिन्सके आलेख सार्वजनिक करल हो । प्रिन्स जुनियर स्तरमे दुई अन्तर्राष्ट्रिय उपाधि जितसेकल बाटै कलेसे अन्य टमान अन्तर्राष्ट्रिय प्रतियोगिता समेत खेलसेकल बाटै । प्रिन्स युएईमे हुइटी आइल दुबई जुनियर इन्टरनेसनल च्याम्पियनसिपमे दुई फरक उमेर समूहमे उपाधि जितसेकल बाटै । उहाँ नेपालमे ओ विदेशमे दर्जनौं प्रतियोगितामे पदक जितसेकल बाटै ।

जनाअवजको टिप्पणीहरू