सुदूरपश्चिममे १५ जे संक्रमित ठप्लै
पहुरा समाचारदाता
धनगढी, ७ सावन । सुदूरपश्चिम प्रदेशमे बुधके रोज १५ जाने कोरोना संक्रमित ठपल बाटै । धनगढीके सेती प्रादेशिक अस्पतालके प्रयोगशाला ओ डडेल्धुरा प्रयोगशालामे करल परीक्षणमे १५ जनहनमे संक्रमण पुष्टि हुइल हो ।
सेती प्रादेशिक अस्पतालके प्रयोगशालामे कैगिल परिक्षणमे कैलालीके २ जाने, कञ्चनपुरके ४ जाने ओ एक जाने बझाङके रहल बाटै । एक सय ९१ जनहनमे करल परिक्षणमे ७ जनहनमे संक्रमण रहल सेती प्रादेशिक अस्पतालके सूचना अधिकारी दिलिपकुमार श्रेष्ठ बटैलै ।
ठपल संक्रमिटमे धनगढी–१२ के एक जाने पुरुष, धनगढी–१९ के एक जाने महिला, कञ्चनपुर शुक्लाफाटा–१के दुई महिला, कञ्चनपुर बेदकोट–४ के एक पुरुष, एक महिला, बझाङ छब्विसपाथिभारा–६ के एक पुरुष करके ७ सात जाने रहल बाटै । ओस्टेक डडेल्धुरा प्रयोगशालामे डोटीके सात ओ बझाङके एक जनहनमे संक्रमण पुष्टि हुइल हो । ओस्टेक बुधके रोज देशभर थप १०० जनहनमे कोरोना संक्रमण पुष्टि हुइल बा ।
स्वास्थ्य तथा जनसंख्या मन्त्रालयके अनुसार कुल संक्रमितके संख्या १८ हजार ९४ पुगल बा । बुधके कोरोना संक्रमणसे २ जनेक मृत्यु हुइल बा । महोत्तरीके ६० वर्षके पुरुष ओ काठमाडौंके शिक्षण अस्पतालमे एक चिनियाँ महिलाके मृत्यु हुइल स्वास्थ्य तथा जनसंखया मन्त्रालय जनैले बा ।
