गुरहीक् अवसरमे ‘दिवाना होगिनु…’ बजारमे (भिडियाेसहित)
पहुरा समाचारदाता
धनगढी, १० साउन । थारु समुदायके गुरही टिहुवारके अवसर पारके सुलभ फिल्मस् एण्ड स्टुडियो धनगढी लौव थारु म्युजिक भिडियो ‘दिवाना होगिनु…’ बजारमे लन्ले बा ।
गायक रामकुमार कठरियाके शब्द संगीत रहल गीतमे गायक कठरिया ओ स्वस्तिका चौधरीके स्वर रहल बा । सुलभ फिल्मस् एण्ड स्टुडियोके निर्माण रहल म्युजिक भिडियोमे धनीराम चौधरी ओ मनिषा रावलके अभिनय रहल बा । भिडियो सार्वजनिक हुइटी किल दर्शकहुक्रनसे वाहवाही पैटी रहल बा ।
म्यजिक भिडियोहे मुन्ना लभकुश्मी डारेक्सन करले बाटै कलेसे कोरियोग्राफर आदर्श महतो करले बाटै । छायांकनमे दयाशंकर चौधरी, ड्रोनमे सतिश सिन्हा, असिस्टेन्ट क्यामेरामेन महेश चौधरी ओ मेकअपमे हसिना राना रहल बाटी । म्युजिक भिडियो कैलारी गाउँपालिका वडा नम्बर ६ खरेट्टीस्थित पर्यटकीय एवं अत्यन्त रमणीय स्थल जुगनिया टलुवा परिसर ओ होमस्टे थारु गाउँ भादामे छायांकन करल बा ।
ओस्टके सुलभ फिल्मस् एण्ड स्टुडियोके प्रस्तुतीमे ‘घोडाघोडी मन्दिरमा…’ बोलके म्युजिक भिडियो फेन साउन १ गते बजारमे आसेकल बा । म्युजिक भिडियोमे छल्लु दादा, सुमित्रा चौधरी लगायतके कलाकार रहल बाटै ।
‘घोडाघोडी मन्दिरमा…’ बोलके म्युजिक भिडियो
