सर्पदंश उपचार केन्द्रहे स्वास्थ्य सामग्री सहयोग

पहुरा समाचारदाता
मसुरिया, १९ सावन । घोडाघोडी नगरपालिकासे गौरीगंगा नगरपालिका–८, बडैपुरमे रहल कालीरक्षा गण सर्पदंश उपचार केन्द्रहे स्वास्थ्य सामग्री हस्तान्तरण करले बा ।

कोरोना भाइरसके संभावित संक्रमण रोकथामके लाग स्वास्थ्य सामग्री सहयोग करल हो । नगरपालिकासे नेपाली सेनाके मातहत बडैपुरमे रहल कालीरक्षा गण सर्पदंश उपचार केन्द्रमे स्वास्थ्य सामग्री हस्तान्तरण करल हो । नगरपालिकाके नगर प्रमुख ममताप्रसाद चौधरी महासेनानी प्रदीप थापाहे स्वास्थ सामग्री हस्तान्तरण करल निमित्त प्रमुख प्रशासकीय अधिकृत खगेन्द्रबहादुर सिंह जानकारी डेलै ।

सर्पदंश उपचार केन्द्रमे पिपिई सेट, एन ९५ माक्स, सर्जिकल माक्स, डिजिटल थर्मामिटर, ग्लोब्स कैके करिब ४० हजार बराबरके स्वास्थ सामग्री सहयोग करल प्रमुख सिंह जानकारी डेलै ।