थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १७ अगहन २६४६, शनिच्चर ]
[ वि.सं १७ मंसिर २०७९, शनिबार ]
[ 03 Dec 2022, Saturday ]

सुदूरपश्चिममे ६१८ ‘एक्टिभ केस’, ६० जाने टमान अस्पताल भर्ना

पहुरा | ३२ श्रावण २०७७, आईतवार
सुदूरपश्चिममे ६१८ ‘एक्टिभ केस’, ६० जाने टमान अस्पताल भर्ना

पहुरा समाचारदाता
धनगढी, ३२ सावन ।
सुदूरपश्चिम प्रदेशमे कोरोनाके ६ सय १८ जाने किल सक्रिय संक्रमित रहल बाटै । निदेशन स्वास्थ्य निर्देशनालय डोटीसे ९ जिल्लामे ६ सय १८ जाने सक्रिय संक्रमित रहल जनाइल बा ।

सबसे ढिउर कैलालीमे एक सय ८८ जाने संक्रिय संक्रमित रहल बाटै । ओस्टके डोटीमे एक सय ६८, बझाङमे एक ७६, दार्चुलामे ३०, कञ्चनपुरमे १८, अछाममे ११, बैतडी ओ डडेल्धुरामे ६÷६ जना संक्रमित रहल बाटै ।

उहाँहुक्रन मध्ये ६० जनहनके टमान अस्पतालके आईसोलेसनमे उपचार हुइटी रहल बा । कैलालीके टीकापुर अस्पतालमे ३४, जिल्ला अस्पताल अछाममे १०, सेती प्रादेशिक अस्पतालमे ७, महकाली अस्पतालमे ४, जिल्ला अस्पताल डोटी ओ मालाखेती अस्पतालमे दुईदुई तथा डडेल्धुरा अस्पतालमे एकजहनके उपचार हुइल बा ।

सुदूरपश्चिममे अब्बेसम कोरोना संक्रमितके संख्या ४ हजार ९ सय ९४ जनहनमे कोरोना पुष्टि हुइल बा । सबसे ढिउर कैलालीमे एक हजार दुई सय ९८ जनहनमे संक्रमण डेखगैल स्वास्थ्य तथा जनसंख्या मन्त्रालय जनैले बा ।

डोटीमे सात सय ९५, अछाममे सात सय ३७, बाजुरामे ६ सय २३ ओ कञ्चनपुरमे ५ सय ८४ जनहनमे संक्रमण पुष्टि हुइल बा । ओस्टके डडेल्धुराके तीन सय १३, बैतडीके तीन सय एक, बझाङके दुई सय ९८ ओ दार्चुलाके ४५ जनहनमे संक्रमण पुष्टि हुइल बा ।

संक्रमण पुष्टि हुइल चार हजार एक सय ५७ जाने डिस्चार्ज हुइल बाटै कलेसे १२ जनहनके मृत्यु हुइल बा ।

जनाअवजको टिप्पणीहरू