कैलाली ओ कञ्चनपुरमे ठप्लै चार संक्रमित

पहुरा समाचारदाता
धनगढी,१ भदौ । कैलाली ओ कञ्चनपुरमे सोम्मारके रोज चार जाने कोरोना संक्रमित ठपल बाटै ।

सेती प्रादेशिक अस्पतालके प्रयोगशालामे कैगिल परिक्षणमे कैलालीमे तीन ओ कञ्चनपुरमे एक करके चार जाने कोरोना संक्रमित विरामी ठपल बटै । ५ सय २७ जनहनमे करल पिसिआर परिक्षणमे चार जनहनमे संक्रमण पुष्टि हुइल सेती प्रादेशिक अस्पतालके सूचना अधिकृत दिलिपकुमार श्रेष्ठ बटैलै ।

ठपल सक्रमित कृष्णपुर–२ कञ्चनपुरके एक जाने, धनगढी–४ के एक जाने, धनगढी–१९ के एक जाने ओ गोदावरी–१२ कैलालीके एक जाने रहल उहाँ जनैलै ।

सेती प्रादेशिक अस्पतालमे अब्बेसम २३ हजार ८ सय ८१ जानेक पिसिआर परिक्षण करलमे २२ हजार २ सय ६१ जानेक निगेटिभ ओ १६ सय २१ जानेक पोजेटिभ रिपोर्ट आइल रहे ।