डडेल्धुराके प्रयोगशाला परिक्षणमे ५६ जनहनमे कोरोना पुष्टि

पहुरा समाचारदाता
धनगढी,१६ भदौ । सुदूरपश्चिम प्रदेशके डडेल्धुरा अस्पताल कोभिड–१९ प्रयोगशालामे मंगरके रोज हुइल परिक्षणमे ५६ जनहनमे ठप कोरोना संक्रमण पुष्टि हुइल बा ।

५ सय ३५ जनहनमे करल परिक्षणमे ५६ जनहनमे संक्रमण पुष्टि हुइल अस्पतालके इन्चार्ज ईश्वरी प्रसाद भुषाल जनैलै । लौवा ठपल संक्रमितमे डडेल्धुरा गन्यापधुरा गाउँपालिकाके २ जाने, बैतडीके पुर्चौडीमे १, मेलौलीमे २, सिगासमे ८ जाने रहल बाटै ।

अछामके पञ्चलेवल विनायकमे ५, बझाङके विथडचिरमे २, बुङगालमे १४, छब्बिसपाथिभारामे २, केदारस्यूमे १६, थलारामे ४ करके ५६ जनहनमे संक्रमण पुष्टि हुइल अस्पतालके इन्चार्ज भुषाल जनैलै ।