कैलाली कञ्चनपुरमे १० जे संक्रमित ठप्लै

पहुरा समाचारदाता
धनगढी, २३ भदौ । सेती प्रादेशिक अस्पतालके प्रयोगशालामे कैगिल परिक्षणमे कैलाली कञ्चनपुरके १० जनहनमे संक्रमण डेखा परल बा ।

पछिल्का २४ घण्टामे ७ सय ८८ जनहनमे करल पीसिआर परिक्षणमे कैलालीके ४ ओ कञ्चनपुरके ६ जनहनमे संक्रमण पुष्टि हुइल सेती प्रादेशिक अस्पतालके सूचना अधिकारी जागेश्वर गौतम बटैलै ।

लौव ठपल संक्रमितमे लम्कीचुहा–२ कैलालीके एक जाने, लम्कीचुहा–१ के एक जाने, धनगढी–८ के २ जाने, भीमदत्तनगर १८ के पाँच जाने, भीमदत्तनगर–५ के एक करके १० जनहनमे संक्रमण पुष्टि हुइल सुचना अधिकारी श्रेष्ठ जनैलै । ओस्टेक सेती प्रादेशिक अस्पतालके आइसोलेशन वार्डमे सुदूरपश्चिम प्रदेशके टमान स्थानीय तहके २८ जाने उपचार करैटी रहल बाटै ।