स्वास्थ्य केन्द्र भवन नगरप्रमुख चौधरीसे उद्घाटन

पहुरा समाचारदाता
भजनी, ५ कुवाँर । भजनी नगरपालिका वडा नम्बर ७ चर्रामे नवनिर्मित स्वास्थ्य केन्द्र भवनके उद्घाटन करगिल बा ।

एक कार्यक्रमके बिच भजनी नगरपालिकाके नगर प्रमुख शेरबहादुर चौधरी नवनिर्मित स्वास्थ केन्द्र भवनके उद्घाटन करल रहिट । नगर प्रमुख शेरबहदुर चौधरीके अध्यक्षतामे हुइल कार्यक्रममे उपप्रमुख छाया देवकोटा खास पहुना रहल रही ।

ओस्टके कार्यक्रममे भजनी नगरपालिकाके निमित्त प्रमुख प्रसासकिय अधिकृत हरिराम चौधरी, भजनी नगरपालिका वडा नं. ७ के वडा अध्यक्ष अमर बहादुर कठरिया, वडा सदस्य, स्वास्थ्यकर्मी, भल्मन्सा समाजसेवी लगायतके उपस्तिथी रहल रहे ।

कार्यक्रमके सञ्चालन स्वास्थ्य केन्द्र इन्चार्ज छत्र बुढा करल रहिट । यिहीसे आघे स्वास्थ्य सेवा लेहे भजनी जउइया चरराके स्थानिय अपने ठाँउमे स्वास्थ्य केन्द्रसे सेवा पैना हुइल बाटंै ।