स्टेम परियोजनाके जिटिएफ कोष व्यवस्थापन समिति गठन

पहुरा समाचारदाता
सुखड, ८ कुवाँर । सिमान्तकृत बालिकाहुक्रनके शिक्षामे पहुच परियोजना स्टेमसे आपन जिटिएफ कोष परिचालनके लाग समिति गठन करले बा ।

सात सदस्यीय समिती गठन भएको हो । समितिमे लक्ष्मी चौधरी, मैना ढकाल, दिपेन्द्र मल्ल, निर्मला संज्याल, हेम बम, प्रभुनाथ जोशी चयन हुइल बाटै । समितिके संयोजक भर समितके पहिल बैठकसे छनौट कैना जनाइल बा ।

स्टेम परियोजनासे जिटिएफ कोष मार्फत व्यवसाय संचालन करे चहुइया विद्यालय छोरल बालिकाहुक्रनके लाग बिनाधितो ऋण उपलब्ध करैना करल बा । जिटिएफ कोष संचालन तथा व्यवस्थापनके लाग स्टेम परियोजनासे घोडाघोडीमे रहल नकरोड कृषि सहकारीहे १ करोड २१ लाख रुपैया अनुदान डेले बा । सहकारी मार्फत बालिकाहुक्रे बिनाधितो ऋण लेके व्यवसाय संचालन कैना करल बाटै ।

विद्यालय छोरके बैठल बालिकाहुक्रनके लाग व्यवसाय संचालन कैना स्टेम परियोजनासे सहकारी मार्फत ऋण उपलब्ध करैटी आइल बा । घोडाघोडीमे रहल नकरोड कृषि सहकारी मार्फत २ सय ढिउर बालिकाहुक्रे ऋण लेके व्यवसाय संचालन करल बाटैं । कलेसे ईच्छुक बालिका फेन सहकारी मार्फत ऋण सहयोग लेके व्यवसाय करे सेक्ना जनाइल बा ।