थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २३ अगहन २६४६, शुक्कर ]
[ वि.सं २३ मंसिर २०७९, शुक्रबार ]
[ 09 Dec 2022, Friday ]

सुदूरपश्चिममे ६९ जाने संक्रमित ठप्लै

पहुरा | ११ आश्विन २०७७, आईतवार
सुदूरपश्चिममे ६९ जाने संक्रमित ठप्लै

पहुरा समाचारदाता
धनगढी, ११ कुवाँर ।
सुदूरपश्चिम प्रदेशके अँटवारके रोज ६९ जाने कोरोना भाइरस संक्रमित ठपल बाटै । सेती प्रादेशिक अस्पताल धनगढीके प्रयोगशालामे कैगिल परिक्षणमे कैलालीके ४७ सहित ठप ४८ जाने, बझाङ अस्पतालके प्रयोगशालामे २० जाने, ओ डोटी अस्पतालके प्रयोगशालामे एक करके ६९ जनहनमे कोरोना भाइरस संक्रमण पुष्टि हुइल हो ।

सेती प्रादेशिक अस्पतालके सूचना अधिकारी दिलिपकुमार श्रेष्ठके अनुसार पछिल्का २४ घण्टामे सेती प्रादेशिक अस्पतालमे ४ सय ४ जनहनमे करल परिक्षणमे ४८ जनहनके रिपोर्ट पोजिटिभ आइल आइल हो । लौवा ठपल संक्रमिटमे टीकापुरके २१ जाने, गोदावरीमे १३ जाने, धनगढी–१, धनगढी–५, धनगढी–८, धनगढी, कैलाली ओ भीमदत्तनगर–१० कञ्चनपुरमे एक/एक जाने, धनगढी–२ मे ४ जाने, धनगढी–३ मे ३ जाने, ओ धनगढी–१४ मे २ जाने करके ४८ जाने रहल सूचना अधिकारी श्रेष्ठ जनैलै । जेम्ने महिला १३ ओ पुरुष ३५ जाने रहल बाटै । बझाङ अस्पतालके प्रयोगशालामे २० जाने, ओ डोटी अस्पतालके प्रयोगशालामे एक करके ६९ जनहनमे कोरोना भाइरस संक्रमण पुष्टि हुइल बा । जेम्ने कैलालीके ४७ जाने, कञ्चनपुरके एक, डोटीके एक, बझाङके २० करके ६९ जाने रहल बाटै । सुदूरपश्चिम प्रदेशके टमान जिल्ला करके १ हजार १७ जाने सक्रिय संक्रमित रहल बाटै ।

ओस्टेक करके अँटवारके रोज देशभर जन संख्या तथा स्वास्थ्य मन्त्रालयके अनुसार ठप १५ सय ७३ जनहनमे संक्रमण पुष्टि हुइलसंगे कुल संक्रमितके संख्या ७३ हजार ३९४ पुगल बा । संक्रमितमध्ये हालसम ५३ हजार ८९८ जाने ठिक हुइल ओ सक्रिय संक्रमित १९ हजार १९ जाने रहल बाटै । ओस्टेक करके अँटवार ठप १० जानेक ज्यान गैल बा कलेसे यी संगे कोरोनासे देशभर ज्यान गुमुइयाके संख्या ४७७ पुगल बा ।

धनगढी उपमहानगरपालिकामे ३६ सय ९९ के पिसिआर परीक्षण

धनगढी उप–महानगरपालिकासे अँटवारसम लक्षण डेखल ओ कन्ट्राक्ट ट्रेसिङके आधारमे ३ हजार ६ सय ९९ जानेक पिसिआर परीक्षण करले बा ।

नगर क्षेत्रमे ट्राभल हिस्ट्री नइरहल व्यक्तिमे कोरोना संक्रमण विल्गाइलपाछे एक महिनासे समुदायमे क्याम्प धारके पिसिआर परीक्षण करटी रहल बा । टमान वडामे स्वावके नमुना संकलनके लाग क्याम्प संचालन करल नगरप्रमुख नृपबहादुर वड बटैलै । अँटवार केल बासुदेवी मावि रघुनगरमे क्याम्प धारके ५० जनाके स्वाव संकलन करल नगरप्मुख नृप वड बटैलै ।

स्वाव डेहुइयामे संक्रमित भेटल परिवारके सदस्य, प्रत्यक्ष सम्पर्कमे आइल व्यक्ति ढेर रहल स्वास्थ्य शाखाके अधिकृत लक्ष्मीराज उपाध्याय बटैलै । उहाँ कहदै, क्याम्पमे कोरोना पोजेटिभ रहलहुकनके फलोअप परीक्षणके लाग स्वाव संकलन कैना कामफे हुइटी रहल बा । धनगढीमे अभिनसम ५ सय ७१ जानेक कोरोनाके संक्रमण रहल अहेव दीपक सुनार बटैलै । उहाँ कहलै जौनमन्से १ सय ८९ महिला ओ ३ सय ८२ पुरुष संक्रमित बाटै ।

कोरोना संक्रमित सक्रिय केश १ सय १ जाने बाटै । अभिनसम ४ सय ६८ जानेक ठिक हुइल उप–महानगरपालिका स्वास्थ्य शाखा जनैले बा । अभिनसम धनगढीमे २ जानेक कोरोनाके कारण मृत्यू हुइल बा ।

जनाअवजको टिप्पणीहरू