अपांगता रहल व्यक्तिहुकनके लाग खेलकुद प्रतियोगिता सुरु
पहुरा समाचारदाता
धनगढी,७ कार्तिक । अपांगता रहल व्यक्तिहुकनके लाग खेलकुद प्रतियोगिता सुरु हुइल बा ।
सुदूरपश्चिम प्रदेशके अपांगता रहल व्यक्ति घरभिटरे बैठे पर्ना, शारीरिक व्यायाम ओ मनोरञ्जनके माध्यम नइहुके टमान मेरिक रोगसे ग्रसित हुइना क्रम बढटी रहल ओइनके सहभागितामे खेलकुद प्रतियोगिता सुरु करल हो ।
खेलकुदमे पहुँच अभिवृद्धि कैना, शारीरिक व्यायामसंगे यी प्रदेशमे पारा खेलकुद अन्तर्गत बोसिया, चेस, व्हिलचियर म्याराथुन, टेबल टेनिस, बास्केटबल, फूटवल, हक्की, मरीमे मरना, कराँते लगायत पारा योग जैसिन शारीरिक ब्यायाम ओ सुगठनक कार्यक्रम रहल बा ।
ओस्टेक सौन्दर्यता प्रदर्शन, प्रतियोगिता संचालन करके अपांगता रहल व्यक्तिहुकनके रोग प्रतिरोधी क्षमता बढैना, आत्म सम्मान बढैना दीर्घकालीन उद्देश्यके साथ यी समावेशी पारा एथ्लेक्स एपीआई स्पोटर्स क्लव कार्यालयके बोर्ड अनावरण करल बा । खेलकुद प्रतियोगिताके औपचारिक उदघाटन वडका पहुना रहल सर्वाङीण अपांगता विकास समाज नेपालके कार्यकारी निर्देशक, अपांगता मानव अधिकारकर्मी युवा अभियन्ता नन्दराज भट्ट करले रहिट ।
क्लवके अध्यक्ष ईन्द्र बहादुर पालीके अध्यक्षतामे हुइल कार्यक्रममे उहाँ अइना दिनमे समावेशी योगा कक्षा, खेलकुद तालिम, अपांगता सशक्तीकरण अभियानसंगे शारीरिक सुगठन तथा बास्केटबल ओ बोसिया गेम संचालन कैना योजना रहल जनैलै । ओस्टेक करके धनगढी–२ सन्तोषी टोलमे कार्यालयके औपचारिक उद्घाटन कार्यक्रमफे हुइल बा ।
उ कार्यक्रममे बोर्ड मेम्बर लगायत टमान अपांगता क्षेत्रमे कृयाशिल व्यक्तित्व ओ युवाहुकनके उपस्थिति रहल रहे । समावेशी स्पोर्ट्स क्लव विगतमे व्हिलचियर म्याराथुन, टाईसाइकल दौड प्रतियोगिता, दृष्टिबिहिन क्विज जैसिन गेम करसेकल बा ।
