आज सर्वाधिक २७२२ मे कोरोनाभाइरसके संक्रमण पुष्टि
पहुरा समाचारदाता
धनगढी, १६ कुवाँर । पछिल्का २४ घण्टामे देशभर थप २ हजार ७ सय २२ जनहनमे कोरोनाभाइरस संक्रमण पुष्टि हुइल बा ।
शुकके नियमित प्रेस ब्रिफिङमे स्वास्थ्य मन्त्रालयके प्रवक्ता डा जागेश्वर गौतम यी संगे देशभर सक्रिय संक्रमितके संख्या २१ हजार २३४ पुगल जानकारी डेलै ।
ओस्टेक आज देशभर ९ हजार ४७४ संस्थागत आइसोलेशन ओ ११ हजार ७६० जाने होम आइसोलेशनमे रहल बाटै । २४ घण्टामे काठमाडौं उपत्यकामे १६ सय ३८ जनहनमे कोरोनाभाइरस संक्रमण पुष्टि हुइल बा । मन्त्रालयके अनुसार काठमाडौं १२८०, ललितपुरमे १६२, ओ भक्तपुरमे १९६ करके कुल १६३८ जनहनमे कोरोना संक्रमण पुष्टि हुइल हो ।
उहाँक अनुसार बिटल २४ घण्टामे थप ३३०७ जाने ठिक हुइल बाटै । यीसंगे ठिक हुइलके कुल संख्या ६० हजार ६९६ पुगल गौतम बटैलै । ओस्टेक आज १४ हजार ७३९ जानेक पीसीआर हुइल बा । नेपालमे संक्रमण मुक्त हुइना दर ७३.६ प्रतिशत रहल बा ।
ओस्टेक देशभर कोरोनासे ठप ११ जानेक मृत्यु हुइल बा कलेसे मृतकके कुल संख्या ५२० पुगल मन्त्रालय जनैले बा । आइसीयूमे २१० जाने ओ भेन्टिलेटरमे २९ जाने उपचाररत रहल बाटै ।
सेती प्रादेशिक अस्पतालके प्रयोगशालामे करल परिक्षणमे सुदूरपश्चिम प्रदेशके ९७ जनहनमे संक्रमण पुष्टि हुइल बा ।
जेम्ने धनगढीके ३६ जाने, गोदावरीके ३२ जाने, गौरीगंगाके १३ जाने, घोडाघोडीके ४, जानकीके ५ जाने, भीमदत्तनगर कञ्चनपुरके २, बर्दगोरिया–१, बेलौरी–६, पुनर्वास–२, झलारी–२ ओ व्यास–५ दार्चुलाके एक÷एक करके जम्मा ९७ जाने संक्रमित ठपल बाटै । सेतीमे ४ सय ८२ जानेक पीसीआर जाँच करल रहे ।
