खुल्ला ब्याटमिन्टन प्रतियोगिता सुरु
पहुरा समाचारदाता
अत्तरिया, २३ कुवाँर । कैलालीको गोदावरी नगरपालिका वडा नं ३ चौकीडाँडा मालाखेतीमे शुकके रोजसे गोदावरी खुल्ला ब्याटमिन्टन प्रतियोगिता सुरु हुइल बा ।
गोदावरी नगरपालिका युवा व्यवसायीहुकनके संयुक्त आयोजनामे सुरु करल प्रतियोगिताके उद्घाटन सुदूरपश्चिम प्रदेश सभा सदस्य चुनकुमारी चौधरी ओ गोदावरी नगरपालिकाके उप प्रमुख रत्ना कडायत ब्याटमिन्टन खेलके करल रहिट ।
शुक ओ शनिच्चरके रोज किल हुइना उ प्रतियोगितामे प्रथम हुइना टिमहे नगद २१ हजार ५ सय डेना जनागिल बा ।
मालाखेतीके अगुवा समाजसेवी राजु भट्टराईके घरगोसियाइमे हुइल उद्घाटन कार्यक्रममे गोदावरी नगरपालिका वडा नं ३ के वडा अध्यक्ष मोहन खत्री, ब्याटमिन्टन खेल ओहोरके अण्डर १९ के राष्ट्रिय टिममे टप ७ मे पर्न सफल खेलाडी प्रिन्स दाहाल, ईप्रका मालाखेतीके प्रहरी निरिक्षक लक्ष्मीराज जोशी, माउन्ट एभरेष्ट क्लब युवा क्लबके अध्यक्ष बेद प्रकाश पाण्डेलगाएतके सहभागिता रहल रहे ।
प्रतियोगितामे कैलाली, कञ्चनपुरसहित देशके टमान ठाउँसे आइल २८ टिमके सहभागिता रहल जनागिल बा ।
