थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १७ अगहन २६४६, शनिच्चर ]
[ वि.सं १७ मंसिर २०७९, शनिबार ]
[ 03 Dec 2022, Saturday ]

‘ए हो मोर धानी…’ सार्वजनिक (भिडियोसहित)

पहुरा | २८ आश्विन २०७७, बुधबार
‘ए हो मोर धानी…’ सार्वजनिक (भिडियोसहित)

पहुरा समाचारदाता
धनगढी, २८ कुवाँर ।
कुछ समय आघेसम थारु आधुनिक गीत संगीत तथा म्युजिक भिडियो निर्माणमे जुटल थारु कलाकार आजकल थारु लोक सांस्कृतिक गीत संगीत तथा म्युजिक भिडियो निर्माणमे अग्रसर हुइल बाटै ।

आजकल थारु लोक सांस्कतिक गीत संगीत निर्माण हुइलसंगे म्यजिक भिडियो फेन लोक संस्कृति झल्कना मेरके निर्माण हुइटी रहल बा । खास कैके यी बेला डसिया ओ डेवारीहे लक्षित कैके थारु लोक सांस्कृतिक म्युजिक भिडियो धमाधम बजारमे अइटी रहल बा । यिहे संगे शुलभ फिल्मस् प्रालि धनगढी फेन डसिया ओ डेवारीहे मध्य नजर करटी दर्शकहुक्रनके लाग आज बुधके ‘ए हो मोर धानी…’ कना बोलमे निर्माण हुइल कल्चरल म्युजिक भिडियो सार्वजनिक करले बा ।

शुलभ फिल्मस्के पोष्ट प्रा्ेडक्सन रहल म्युुजिक भिडियोमे जगत गुरु, रितुु चौधरी ओ धनीराम चौधरीके मोडलिङ रहलल बा । शब्द संगीत गणेश चौधरी ओ समीक्षा चौधरीके रहल गीतमे स्वर फेन गायकद्वयके रहल बा । म्यजिक भिडियोके निर्देशन चन्द्र चौधरी (चाँद) करले बाटै कलेसे छायांकन दयाशंकर चौधरीके रहल बा । म्युजिक भिडियो मुन्ना लभ कुश्मी कोरियोग्राफी करले बाटै ।

जनाअवजको टिप्पणीहरू