सालीभाटु–३ मे श्रीदेवी ओ प्रिन्सके रोमान्स (भिडियोसहित)
पहुरा समाचारदाता
धनगढी, २० कार्तिक । थारु म्युजिक भिडियो सालीभाटु भाग–१ के अपार सफलता पाछे सालीभाटु भाग–३ आइल बा ।
गायिका तथा मोडल श्रीदेवी चौधरी ओ प्रिन्सके मोडलिङ रहल म्युजिक भिडियोहे राप्ती फिल्मस् प्रोडक्सनके युट्युब च्यानल मार्फत सार्वजनिक हुइल हो । म्युजिक भिडियोके गीतमे अभिमन्यु ओ समीक्षा चौधरीके सुमधुर स्वर रहल बा । सुशील दहितके शब्द ओ संगीत रहल गीतके व्यवस्थापन सिएल चौधरी, कुमार रानाके रहल बा । भिडियोके निर्देशन एचसी संगम करले बाटै । कलेसे छायांकन तथा सम्पादन दुल ब्रेभ करले बाटै ।
सुशील दहितके शब्द संगीतमे सालीभाटु भाग–१ यिहेसे आघे दर्शक रुचासेकल बाटै । भाग १ मे मोडलद्वय विवश चौधरी ओ श्रीदेवीके अभिनय रहल बा ।
सालीभाटु भाग–२ भर कुछ प्राविधिक कारणसे सार्वजनिक हुइ नाइ सेकल हो । मने थारु समुदायके बर्का टिहवार माघके अवसरमे भाग २ फेन बजारमे लन्ना गीतकार सुशील दहित जानकारी डेलै । ओकर साथे सालीभाटु भाग–४ फेन हाली अइना उहाँ जानकारी डेलै ।
